أصرخ بصــــــــوت الفاجـــعه عگب البنين الأربــــــعة
حيلي انهدم حيلي انهدم
* * *
اولادي راحـــــوا بالظعــــــــن والگلب راح اويـــــــاهم
ما ادري لا ويــــــــن الدهــــر هالأربعــــــه وداهــــــــم
شاخصه عيوني أعله الــدرب اتنــــطر وأتــــــــــــناهم
والدار ظـــــــــلت مظلــــــــمه ومستاحــــــــشه ابلياهم
يا خــــــــــبر راح اتوقــــــــعه عگب البــــــنين الأربعه
حيلي انهدم حيلي انهدم
* * *
اسكنت الصحاري والموحشه كلسا أهيم ابـــــــــــوادي
أعــــــــثر واگـــــــوم ابلوعتي وروحي الحـزينه تنادي
لو شفت حادي مــــــــن البعـد اركض واحاچـي الحادي
يالحادي ما عندك خــــــــــــبر ما شفت ظعـــــن اولادي
انه الحزيـــنه الضايعــــــــــــه عگب البــــــنين الأربعه
حيلي انهدم حيلي انهدم
* * *
أحسب لــــــــيالي وأنتــــــــظر والدهر غـــــــــير حالي
لا خبر من عــــــدهم لــــــــفه ولا طارش اتعـــــــــنالي
كل ساعه لن حســــــــبه تجي وحسبه تروح ابــــــبالي
ما ادري شنهو اللــــــــي جره ولا أدري شنهو التــالي
متحيــــــــره ومتلــــــــــــوعه عگب البــــــنين الأربعه
حيلي انهدم حيلي انهدم
* * *
عـــــــــــافوني بـــديار الحزن اجري الدمع واتحـــــسر
عالدرب عــــــــــــيني شابـحه ومنهم خبر اتنــــــــــطّر
چم دوب اظل أحمل صــــــــبر وأعله الصبر مــــا أگدر
لو چان حــــالي بالصــــــــخر چان الصخر يتفــــــــطّر
للصخر حــــالي ايصدعــــــــه عگب البـــــنين الأربعه
حيلي انهدم حيلي انهدم
* * *
فرگتهم اتشــيب الطــــــــــــفل ما تنحـــمل فرگتــــــــهم
افرش عــــيوني أعله الأرض لو أسمــــــــع ابجـــيتهم
أنذر نــــــــذر لــــــــو عـودوا وعيوني لو شافتـــــــهم
أزرع طريق الطـــــــــــف ورد واستبشر ابرجعـــــــتهم
ضاگت ابعيني الــــــــواسعـــة عگب البـــــنين الأربعه
حيلي انهدم حيلي انهدم
* * *
اكشف مصادر لوعــــــــــــتي خل تجي الناس وتســمع
اولادي أغــــلى من العـــــــمر بيهم دليلي امولـــــــــــع
ناديــت لـــــــمن شاهــــــــدت گلبي الحزين اتصــــــدع
ما يهم لــــــــو راحـــــوا چتل وحسين سالـــــــم يرجع
هالصوت منـهو اليسمــــــــعه عگب البـــــنين الأربعه
حيلي انهدم حيلي انهدم
* * *
