الشاعر المرحوم الشيخ كاظم منظور الكربلائي - 04/06/2009م - 9:09 م | عدد القراء: 14619
أم الــبـنـيـن تـنـادي........ يـبـنـي ويـروح الـهـادي
ضـحـيـت لـك شباني....... من حبك وإيماني...يبني ويروح الهادي
اربـع بـدور و تزهر..... وانوارهم تتشعشع ...... من والدك هالزهره
يردون وحشة حيدر....والگلب بيهم يهجع ..... والصعب يسهل أمره
ولنصرتك يمشكر....... بثمار گلبي تبرع ........... وهديتهم للزهره
ردتــك تـردلـي سـالـم..... وحـظـي بـوجـودك غـانـم
يـا جـوهـرة وجـدانـي..... ضحيتك شباني...يبني ويروح الزهره
آنـه الـذي سـمـوني...... أم البنين الأربع....... وبالأربعه تفاديتك
والخلگ لو نشدوني..... يا فگد عندج افجع ......من دونهم خصيتك
شـابحه عليك عيوني.... وگلبي عليك مگطع..... وعلى الأعز عزيتك
لــلاربـعـه أسـلاهـم ...... روحـي واظـن تـنـسـاهـم
وذچرك بـطـرف لـساني..... وضحيتلك شباني...يبني ويروح الزهره
چانـت تـشـوفك عيني .... چني اشوف الهادي .... واتنور بمصباحه
يـحـسـيـن شيسليني .... عگبك يريع أفادي .... يالگطعت سباحه
يـحـسـيـن لا تخليني .... گلبي يحن وينادي .... مسلوبه منه الراحه
وجـدانـي مـن وجـدانـك ... عـنـوانـي مـن عـنـوانـك
يـالـشـيـدت صـيواني .... ضحيتلك شباني...يبني ويروح الهادي
يـحـسـيـن يـوم المدت ... من المدينه ضعونك ... وللغاضريه النيه
ودمعتي بعيني لاجت .... وشفت الخطر بعيونك ... وضليت اصفج بيديه
حـسـيت روحي وگالت ... عطشان ويذبحونك .... وعيالك المسبيه
ونـهـدم عگبـك حـيـلـي .. وارعـى الـنـجـوم بـلـيلي
واتـضـرع الـديـانـي ... ضـحيتلك شباني...يبني ويروح الهادي
وعـبـاس من وادعني .... حب إيدي وحبيته .... وگلبي عليه يتلاهب
ورفـت الروح على إبني .. ولصدري من ضميته .. وادري بخوك معتب
وادري ولـيـدي يـسمعني ... وبنصرتك وصيته .. يحفظ كرامة زينب
وصـيـتـه يـصـخـي بـشـوفـه .... وبـرگبـتـه وبچفوفه
وادريـه مـا ينساني............. ضحيتلك شباني...يبني ويروح الهادي |
