أضف الموضوع
الشاعر الحاج عبدالله الحسناوي
الشاعر المرحوم الشيخ كاظم منظور الكربلائي - 01/06/2009م - 5:01 م | عدد القراء: 5433
 مرقد الامام الحسين (ع)
ويـن الـلـي كـفـلـني من المدينه.... مايدري إنسبينه
نــايــم والــعــدى هـجـمـت عـلـيـنـه
إجـت أم الـخـدر ودمـوعها تجري..... فوگ التل تنادي
نـايـم يـالـولـي وتدري إنهتك خدري.... مابين الأعادي
إجـيـت مـحـيـره بـاصرني بأمري..... يا مهجة الهادي
خــويـه الله ولـحـد..... كـل عـزنـه تـفـرهـد
مـن راح الـعـلـم راح مـن إديـنـه
بگيـت مـحـيره ولابعد عندي راي..... بس دمعي أسيله
آنـه أم الـخـدر تـاليها ويه عداي..... غنـّم امشي ذليله
هـذي كـربـلـه خلتلي إشچم داي..... ويا هم الأشيله
يـابـن الـمـرتـضـى شلون...... عداكم من يهجمون
وعــلــيـلـة تـصـوب حـشـاي بـولـيـنـه
إجـيـتـك يـابن أبويه من الخيم رديت.... محتاره بهالعيال
وخـويـه من الهضيمه لجسمك تعنيت..... آه يا ذلـّة الحال
شـلـون مـخـدره ورباط هذا البيت.... واتچتف بالحبال
كـل عـتـبـي عـلـى عـباس.... راعي الفخر والباس
شــافــه والــســهــم نـابـت بـعـيـنـه
أعـاتـب والـمـره تـعـاتب لمن تنظام ... وتحشم بخوها
تـشچي هـمـومـهـا من ولية الظلام.... من عگبه ولوها
چفـيـلـي وعـالمذله شلون عينه تنام... وخيامه حرگوها
عـبـاس إنـولـيـنـه..... عگبـك وانـسـبـيـنه
ويــن الــعــهــد يــاعــبــاس ويــنـه
خـويـه إنـت الـعذيب وللخدر ناطور.... وإنت تكفلتني
وإنـت الـكـربله من الوصي مذخور.... شو نمت وعفتني
طحت على الشريعه وطاح ذاك السور..... بدعي بشوف متني
وشـتـدفـع الـنـسـوان.... لـوغـابـت الـوليان
يــخــويــه بــيــن أعـاديـنـه نـولـيـنـه
ولـيـنـه ولا لـنـا بهذا الجمع لغار... يدفع عن خطرها
ولا جـيـدوم مـن الـخيم يطفي النار..... ويخمد شررها
ولا فـزاع دون بـنـاط حـامـي الجار... يحافظ خدرها
چا ويــن الـهـواشـم.... عـن هـاي الـفـواطـم
مـاتـدري الأعـادي مـسـلـيـنـه
سـلـبـونـه الأعـادي ولا لنا فزاع.... چا وين الهواشم
چي تـرضـون للشامات تمشي ضياع.... كل هاي الفواطم
شـلـون اللي كفلها ينام فوگ الگاع ..... ماجرد الصارم
چا ويـن الـكـفـلـنـه... شـلـون يـنـام عـنـه
ظــل عـلـى الـنـهـر وإحـنـه انـسـبـيـنـه |
|
