بـالـيـسـر زيـنـب عـالـحـرم ظـلـهـا ردت  بــالــعــيـال وبـروس  أهـلـهـا وتـصـيـح  هـذي كـربـلـه چا ويـن  أهلنه بـحـامـي الـضـعـيـنـه... مـن  يـدلـينه فـرفـرت  عـالـضعن روحي من وصل  للغاضريه ريـت مـاي الـعـمـى بعيني ولا تشوف الفاطميه بـكـل گلـب جمرة أحزان وكل ظلع حدره  شجيه شـحـال الـتروح ميسّره.... وماتظل بعدي  مخدره وتـظـل غـريـبـه مـحـيّره..... واتحوّفها المنيه مـن اسـمـع بـزيـنـب لاچن يـاهـالـنـاس مـن الـيـسـر ردت تـلـطـم عـلـى  الراس وتـصـيـح  إجـيـنـه من اليسر... وين الكفلنه بـحـامـي الـضـعـيـنـه... مـن  يـدلـينه هالله هالله شـلـون وگفـه وگفـت بـدار  المخيم وصـدت  بـعـيـن المصيبه وشاهدت خدر التهدم وچنـهـا  تـتـصـور الـنار خيمه عالخيمه  اتلايم صـاحـت ومـدمعها سجم ....بيادار أنزل  هالحرم چاويـن حـراس الـخـيم .... وين البخدري توزم دار  الــخــيـم هـاي.... چانـت  زهـيـه شـو مـظـلـمـه الـيـوم يـاهـل الـحـميه مـا  تـغـمـض عـيـون الحرم.... موحش نزلنه شـلـون  لو جت گلب صارت بين الگبور  ومحنّـه هـاي الـتـنـادي يـالأكـبـر يا شباب  والماتهنه وذيـج  تـصـرخ آ يـاجـاسم معرس وبالدم تحنه وهـاي  الـتـدور  عالطفل.... تصيح والمدمع  يهل عـطـشـان  إبـني تنچتل.... والشرب محروم  منه گوس الــذي صــاب نــحــرك رمـانـي وبــنـاظـري طـاح سـهـمـه وعـمـانـي ظـلـيـت  انـوحـن وانـتـحب واجذب  الونه بـحـامـي الـضـعـيـنـه.... مـن يـدلـينه حـضـنـت گبـر حسين زينب وتلثم ترابه  وتشمه خـويـه  خـلـيـتك  رميه وجسمك مغسل بدمه مگطـع بـحـد الـنـواضي وحرت بيه شلون ألمه فـجـرنـه صـواب الحجر.... چتفنه بحبال  الدهر وسـهـم الـمـثلث بالأثر.... مرد لب حشاك سمه مـن  عگب عـيـنـاك مـا نـمـت لـيـلـي والـكـوفـه  والـشـام هـدمـت  حـيـلـي وراسـك  عـلـى راس الـرمـح... يبره  الضعينه بـحـامـي الـضـعـيـنـه.... مـن يـدلـينه چنـي بـزيـنـب تـنـادي يا ربات الخدر  گومن ويـاي نـمـشـي لـلشريعه ويم گبر عباس حومن وحچن  الـصـايـر  عـلـيـنه لا تعتبن لا  تلومن عباس ما يحمل عتب....... من گطع الچفوف السبب يـسـرونه  والعز انسلب... وبضعيف الصوت  حنن عـالـشـاطـي عـفـنـاه غـصـبـن  عـلينه ونـخـبـره بـالـصـار مـن عگب  عـيـنـه چي مـا حـضـرنـه نـودعـه ونـعـتـذر  منه بـحـامـي الـضـعـيـنـه.... مـن يـدلـينه يـالـطحت من عتب سكنه وگطعت جسمك  الغيره بـطـيـحتك دهري سباني وأچفي ديره واطب ديره صـابـنـي  سـهـم الـبعينك ويبّس بگلبي  نميره الله  يـاصـواب  الـعـمد.... صوبني والعز  إنفگد لا  ظـل أخو ولا ظل ولد..... ولا عمام ولا عشيره مــن عگب عــيــنــاك دهـري  ولانـي يــاخــويــه  ظـلـيـت آنـه  وزمـانـي ولا ظـل حـمـيـم ولا حـمـه الـبـيه إنتچلنه بـحـامـي الـضـعـيـنـه.... مـن يـدلـينه