مـشـونـه  مـشـونـه..... لـلـكـوفه  مشونه عگبـك  يـا سـبـع الگنطره....... للكوفه مشونه مـن طاحن چفوفك وگف حد الزود.... وإنگطع  بينه ومـن  سـهـم البعينك أشد سهم الجود... أثر  علينه لاچن يـابـوفـاضل صواب العامود..... هيء  سبينه سـجـنـونـه  سـجـنـونـه.... بالخيم  سجنونه والـخـيـم نـاره مـوجـره.... ولـلكوفه مشونه عـيـالـك بـالـخيم وبرجواك ..... تروي  ضماها وإعـلـم بسيف الگطع منك يمناك.... گطـّع  رجاها بـس حـرم ظلينه ونخبرك بعداك..... وظهرت  عداها حـيـرونـه  حـيـرونـه....الأيـتـام  حـيرونه شـيـصـبـر الـمـتـحـيـره.... للكوفه مشونه مـن  طـحت  وتهدم الخدر المرصود...... چان  بحياته فـرهـود  صـاحوا بالمخيم فرهود..... فرن  خواتك هـاك إخـذ ونـة حزن گلب الممرود..... لمخدراتك ضـيـعـونـه  ضـيـعـونه...... والگوم  ضيعونه يـاضـيـعـة الـمـتـيـسـره.... للكوفه مشونه ليلة  الحادي عشر ما تدري شصار...... وشجرى  بحالي لاخـيـمه عدنه ولا چفيل ولا دار.... ولا عدنه  والي فوگ الضرب فوگ النهب فوگ النار..... جور الليالي لـوعـونـه لـوعـونـه..... بـسـيـاط  لوعونه وبـيـنـه الـسـيـاط مـأثره..... للكوفه  مشونه وشـلـون  صـبـحـية كدر صبحنه....  بالغاضريه وگيـدونـه بـحـبـال اليسر والمحنه.... وإنتم  رميه وعـنـكم ينادينه الصدى لو صحنه...... ياهل  الحميه چتـفـونـه چتـفـونـه... بـحـبـال چتـفونه وإنـتـم ضـحـايـه على الثرى.... للكوفه  مشونه وعالنوگ  بس جسومنه مشبوحه...... وراحت  يساره وارواحـنـه ويه جسومكم مطروحه.... وسط  المعاره وگلـوبـنـه  من سهامكم مجروحه.... ودمها  يتجاره روعــونـه روعـونـه... بـالچتـل  روعـونـه والـشـمـر ضـعـنك سيـّره.... وللكوفه  مشونه