مـاني  عليلتكم  ياهلنه والولم جار..... وبگلبي النار ظـلـت  تـشـب وتـنطفي.... من دمعة  عيوني يـاهـلـي  شـان  الـعـلـيله بالموده  يباشروها وعـلـى فـراش الـولـم بـجفوف المحنه يجلبوها مـاشـفـت گبـلـي عـليله وبالفراگ يلوعوها بـالولم  روحي  تمرمرت..... يهلي وچبدتي  تگطعت يـاطـفـلـه مثلي تلوعت.... بالولم وفراگ  أبوها يهلي العليله يحافظوها من الأخطار..... وبگلبي  النار وانـه  بـمـصـيـبـة كربلا..... يهلي  تداووني آه مـن الـولـم عـفـنـي ياهلي وروحي مردها ومـن تـصـد عـيـن الـعـلـيله يفرح چبدها يـا  عـلـيـلـه  مـثل حالي ظلت تعالج  وحدها مـفجوعه  بفراگ الأهل..... مصيوبه بسهام الأجل من يسبل إيدي على الأجل..... ياهلي ورجلي يمدها يهلي  تراني على المنايه إنزلت خطار.... وبگلبي  النار چنـي فگدتـكـم يـاهـلي..... وإنتم  تفگدوني يـاهـلـي  لـلـمـرض حاله يهون ويعالج  طبيبه ويـصـعـب  الـتسعر جمرنه بگلب اليفارج  حبيبه فـوگ نـار الـمـرض گلـبي مايحمل نار المصيبه نـاريـن شـعـلـت چبدتي ..... بفراكم  وبعلتي أحـا يـاجـمـرة غـربـتـي..... لاتخلوني غريبه عيوني  ظلت عالأجل والأهل تندار..... وبگلبي النار مـا  ادري  يـلـفـيني الأجل.... لو أهلي  يلفوني يـاهـلـي لـلـمرض شده وگلب طفلتكم حملها وصـابـهـا  سـهم الموادع وسهم المفارگ چتلها يـا  عـلـيـلـه إبتلت مثلي بالولم ومصاب  أهلها أيـوب  مـو  مـثلي إبتله .... بالمرض وبذبحة  هله ودمـوم أخـوتـي بـكربلا ... گامت عيوني تهلها دمـعة عيوني فجرت والدهر فجار..... وبگلبي النار واتـمـنـى نـبـلـة حـرمله..... بيها  يذبحوني