الشاعر المرحوم الشيخ كاظم منظور الكربلائي - 31/05/2009م - 8:11 م | عدد القراء: 4041
بــرهــانــه بــرهــانــه... صـبـرك وبـرهـانـه
مــن وجــود الإيــمــان.... نـص عـلـيـه الـقـرآن
صــبــرك وبــرهــانــه... يــزهــر بـإيـمـانـه
صـبـرك يابو الباقر جميل وممدوح.... الله يعينك..... والصبر تعيينك
صوبت گلبك كربله وظل مجروح.... وتهمل عينك..... والمنايه بعينك
من رد ابوك وجاب خيك مذبوح..... هيج ونينك..... وإنخشع بونينك
وجــدانــه وجــدانــه.... طــلــســم جـدانـه
صــبــرك لــهــذا الـديـن.... شـرف عـز الـداريـن
طــلــســم وجــدانــه..... يــزهـر بـإيـمـانـه
صـبـرك يـابـو الباقر مرد دلالك.... أثر الونه.....وعالشباب الونه
وصـواب عـمـلت كربله چتالك.... ما برت منه.....وبجدهتك منه
تـنـسـى الشباب المددوه اگبالك.... جاسم تحنه.... من دماه تحنه
عــنــوانــه عــنــوانــه..... بــارز بـعـنـوانـه
ســجـل بـيـوم حـسـيـن.... نـص إراده وتـمـكـيـن
بــارز بــعــنــوانــه..... يــزهــر بــإيـمـانـه
صـبـرك يـابو الباقر صبر ماسادي.... مو صبر آيه.... تنطبق عالآيه
شـصـبـرك من زينب لفت وتنادي... طاحت الرايه.... واليزم الرايه
گتـلـوا چفـيل مخدرات الهادي.... تاهت السايه.... والتهم بالسايه
ســكــانــه ســكـانـه... والـسـمـه وسـكـانـه
صــبــرك عـلـم مـنـشـور.... لـلـعـوالـم دسـتـور
بــالــســمــه وسـكـانـه.... يـزهـر بـإيـمـانـه |
