قال الرســـــــول إنَّ الحســـــــين
مصباح الهـــدى وسفينة النجــاة
* * *
نسمع أحاديث النـــــــبي وأصل الروايه ابحكمه
معنى الحديث انطالعـــــه ابحكم العقل وانفهــمه
ونشوف المن مســــــنده ونفحص رجال الاــمه
لو شفنه صحه من السند نتمسك ونلتزمـــــــــه
قول الأمــــــــين في كل حـــــــين
نبراس بـــــــدى لمسيرة الحــياة
* * *
آل الرسول وعــــــــترته لوحدثـــــت نسمعــــها
مضمون أحاديـــث النبي نآخذها من منبعـــــــها
عن معرفه وصحوة عقل ندرسها ونطالعـــــــها
سيرة حسين ونهضــــته بموضع فخر نوضعـها
يوم عصـــــــيب خط الغـــــــريب
مضمون الفــــدا وسعــادة المماة
* * *
وضح حسين بســــــيرته معنى الاراده الحــــره
بهالمنطلق ثاروعـــــــزم عالكفر يعلن ثــــــوره
إيمانه ايمان النــــــــــبي وصبر الرسول بصبره
ما همته جيوش العــــداه وللذبح قدم نحــــــــره
رمز الإبـــــــــاء في كــــــــربلاء
قد جاز المــــدى بكرامـــــة الاباة
* * *
آلاف وگفت بالحـــــــرب تنتظره يـــــبرز إلهــــا
وحسين واگف بالخـــــيم للعــــــيله يتأملــــــــها
شاف الفواطم بالحـــــزن دمعــــة مصيبه اتهلها
ودعهن ابصبر الگلب والمعركه استقبلها
يوم الطفــــــوف حتــــف الأنوف
قد جاء الصــدى لمنـــــية الطغاة
* * *
ريحانة الهادي وگــــــف يبن الجحافل وحــــــده
گوم آل اميه والدهـــــــر والدنيه وگفوا ضـــــده
اتناسوا حديث المصطفه ونكروا وصية جــــــده
حرموه من باي العذب ظامي وتفـــــطر چــــبده
سرُّ الوجــــــــود رمــــز الصمود
قد خط الـــــردى بصحيفة الجناة
* * *
اتكاثرت رميات العــــــده كل ساعه رميه تلوحه
وبعدد آيات الوحـــــــــي صارت عداد اجروحــه
تنعاه روح التضحـــــــيه وللأجل سلَّم روحــــــه
مو دمه هذا اللي سفـــح دموم الرسل مسفوحـه
هــو الفــــــــداء لـــــه دمــــــــاء
ما ضاعت سدى لعـــــقيدة الهداة
* * *
مصاب ابو اليمه بكل گلب صابه وترك آثـــــــاره
ابلا ذنب گطعوا منحـــــره ودم النحر يتجـــــــاره
كل ميت بهالقــــــــاعـــده عگب الچتل يتـــــواره
بس جسم الحسين انـترك بين اخوته وانصــــاره
جســــــم الشهيد فوق الصعـــــيد
ما بين العـــــدى وكتائب البغـــاة
* * *
