نحبكم يا أهل بيت الرساله...نصد بيكم نبي الرحمه وجماله
انتو روحه وعترته...عترة محمد
الگينه بيكم رحمته...عترة محمد

کلمن راد ينشدنه لیش اعشگتوا هالعتره
واتركتو العليها الناس شنهو الغايه والعبره
حبكم عن وعي وتقليد لو تلقين لو فطره
ليش تركتو كل الناس والزمتو بني الزهره
نريد اتجاوبونه ابكل صلابه...شنهو اللي جره وعفتو الصحابه
ويا جواب الشامته...عترة محمد
الگينه بيكم رحمته...عترة محمد

یا سادتي جاوبنه وگلنه للينشدونه
ضوگو مثل ماضگنه وبعدها ما تلومونه
الباري والنبي الهادي ابحب العتره امرونه
ورادونه تبع ألهم دنيه ودین رادونه
ابكتابه الباري انطانه اوامر...ابمحبة طاها والعتره نجاهر
روح وانظر هالأتی...عترة محمد
الگينه بيكم رحمته...عترة محمد

چم آیه الذي إبحيدر وبأولاده وصتنه
وخلتهم مثل مصباح يضّوي ليل دنيتنه
وبدون النور ما نگدر ننظرها العقیدتنه
وتمسكنه ابشعاع النور ولوما النور چا متنه
يموت اللي تبع دينه ابساطه
ولا عنده ضوه يراوي صراطه
الشيعي بيده شمعته...عترة محمد
الگينه بيكم رحمته...عترة محمد

وطاها النبي وصانه لو تردونها الجنه
اتبعوا حيدر الكرار واخذوا دينكم عنه
حیدر مني ياهالناس وانه المصطفى منه
حیدر من عظم شانه بيه جبريل يتغنه
فتى مثل الصميده ماكو مثله...ولا سيفه الذي حيرنه شکله
وكلها صارت صورته...عترة محمد
الگينه بيكم رحمته...عترة محمد

روح اگصد غديره الخم واسأل كلشي شفته اهناك
هوه اليشهد الحيدر مدار الدنيه والأفلاك
من شال النبي ايده وناده يا علي حياك
جن وإنس ناده ابصوت يا با الحسن بايعناك
الحجر حتی الحجر ناده ولينه...ولي ونعم الولي حيدر علينه
العرش اعلن بيعته...عترة محمد
الگینه بیکم رحمته...عترة محمد

حبنه بفطره وبإدراك وبكل وعي وكل تفكير
والينه اخوالهادي ومثل حيدر بعد ميصير
وانتوا امشيتو خلف اللي من ينسأل يبگه ایحیر
احنه الفاطمه حبنه وانتو الصعدت أعله بعير
تعلگنه بعلي حامي الحميه...وعِشگنه کلنه للزهره الزچيه
روح طاها وبضعته...عترة محمد
الگینه بیکم رحمته...عترة محمد