الفصل الثاني: النزلات..........
أربعاء أسود
في يوم تفجير قبة الإمامين الهامين الزكيين علي الهادي والحسن العسكري عليهما السلام

چا وين المهدي الننتظره

يلي اتشوف اعلينه السادي...كل الينتظروك اتنادي
اشگد نتحمل يبن الهادي...والشيعي اشگد يحمل صدره

كلها اتنادي الغايب وينه...چالیش ابحيره امخلينه
كل الدنيه اتشمتت بينه...اظهر واطلب ثار الزهره

ضلع امك للحين امهشم...اوین اندفنت هم ما نعلم
لو موجود الگبر اتهدم...ویا معصوم اللي ضل گبره

چم معصوم الگبره اتفجر...وصلو حتى الوادي الأطهر
وفجرو حضرة جدك حيدر...واحنه انضل بس نجذب حسره
ویم حسين اشگد کتلونه...ونعوفه الجدك رادونه
الجفن اشلون ایعوف اعيونه...وروح انشد جدك عالیجره

واليوم الشيعه ابيا حاله...گبر الهادي الكل يبراله
والدمعات اتظل هماله...لمن تظهر يبن العتره

هدمو گبرین اهل الغيره...وخلو كل الشیعه ابحيره
محنتنه ابهاليوم اچبيره...یا وسفه انهدمت هالحضره