الفصل الثاني: النزلات............
الكاظمية يعني
الكاظميه يعني راهب ما ينام...گاضي عمره بالصلاة وبالصيام
الكاظميه ما تمل منها العيون...بيها موسى الكاظم الشرف الكون
الكاظميه يعني آلام السجون...سجن موسی الکاظم ايهيج الآلام
الكاظميه يعني مظلوم السجين...گاعد ابحده ابسجن سندي اللعين
هله مو يمه ولا عنده معين...ألف لعنه اعليك يا سندي اللئام
وألف لعنه اعليك يلي مو رشید...اتخلي هالمظلوم عن أهله بعيد
ابسجن جوه الگاع واتخليه وحيد...وتمنع اعليه كل زياره وكل سلام
الكاظميه يعني غربة هالحبيب...نعشه فوگ الجسر مطروح وتريب
يا غريب وجدك حسين الغريب...الغربه عاده للأعاظم والكرام
الكاظميه يعني مقبول الدعاء...وبيها الله مفتّح أبواب السماء
العين موسی الزاكي ابن الأزكياء...اخذ مني بكل ثقه هذا الكلام
موسی ابن جعفر اسم يفتح الروح...موسی ابن جعفر اسم يشفي الجروح
ما يرد خايب اللي يمه يروح...هذا إمام ابن الإمام ابن الإمام
