كبدٌ مسموم
یا دمعة عيني الهماله...سيلي اعله الصابو دلاله
بسم الحقد والشوم...گضه العمر مظلوم
هلیله دموع العين تضل للصبح سچابه
وكلشيعي انفطر گلبه عالصادق عله امصابه
تدري الشيعه شنهو الشاف وتعرف لوعة اصوابه
الله ایساعد الصادق والله ایساعد احبابه
اشلون يضل الصادق سالم...وچم طاغوت يریده وظالم
ايحسبوله يوم بيوم...گضه العمر مظلوم
مثل اجداده هالمظلوم لابد ينچتل بالسم
لو ينذبح مثل حسين ومن نحره يسيل الدم
لو ينعصر خلف الباب وصدره بعصره يتهشم
لو چفينه تتگطع مثل عباس نعم العم
عترة طاها وندري العاده...لجل عيونه اتضل اولاده
بس النبي المعصوم...گضه العمر مظلوم
هالعاده العرب عدها لچن وسفه تناسوها
وما حفظوا رسول الله وعترته اشلون خلوها
ما بين الچتل والسم والبالسجن كتلوها
وما بين النسه الثكله فوگ النوگ ركبوها
محنتكم مولاي اچبيره...حيره اكلف واعظم من حيره
وهذا الأمر معلوم...گضه العمر مظلوم
محنتكم يبو الكاظم خلت چم گلب مفطور
وخلت چم دمع يجري وچم خاطر غده مکسور
بيت وبيه نسه واطفال بیت مکلل ابکل نور
يحرگونه عله اهله ليش حتی یفرح المنصور
نار توج اباب الزهره...وبخيام حسين المستعره
وبگلبك المظروم...گفضه العمر مظلوم
من وجو عليك النار وگامت تركض النسوان
من امچان مدهوشه تطلع تعتني لمچان
وانته وياهن اتطفي برجلك سيدي النيران
تذكرت ابهذاك اليوم نار الحرگت الصيوان
يالطفيت النار ابرجلك...عمتك زینب سوت مثلك
مهمومه یا مهموم...گضه العمر مظلوم
لچن اتهون احزانك من اذكر حزن زینب
من شافت اخوها حسين خده اعله الثره امترب
طلعت بين امیه اتصيح يالمن نحرك امخضب
اجيك ويمك ارد اگعد وخل الخدر يتسلب
يالصادق محنتكم هيه...محنتكم ثار المسبيه
سلبوها انجس گوم...گضه العمر مظلوم
