الفصل الثاني: النزلات.........
شباب ومصاب
الليله نزلت روسها العترة الأمجاد...والكرم سد بابه من راح الجواد
هذا ابو الهادي وحيد بمحنته...واللعينه أم الفضل من سمته
ينازع بروحه وتگطعت چبدته...ألف وسفه عليك يا باب المراد
هذا ابو الهادي گضه بسم الكفر...وگلب كل شيعي صبح لجله جمر
لاچن تشیع بهيبه وكل گدر...ولبست الدنيه على فگده السواد
گصدت الشیعه بحزن وتشيعه...وصار ذاك اليوم يوم الفاجعه
بس أبو اليمه اللي ضل ابمصرعه...وراسه يهدونه لرجس هند وزياد
ابد ما صاير ولا مره جره...جسم عاري مگطع وفوگ الثره
ودمه يشخب من جروحه ومنحره...والسمه علنت على حسين الحداد
