مصائب الزهراء عليه السلام
صبر الأمير عليه السلام
علي كل الكفر سيفه محی الها...على كل مشكله وشده محلها
صدق بنت النبي حرقو محلها...وهو جالس وغامد مشرفيه
بكاء الزهراء عليه السلام
ابويه اليمدح القرآن بسمه...بعده ما سمح لي الدهر بسمه
ضرب وغصب ضيم وهضم بسما...غمض عينه شفت سادي عليه
الأمير والزهراء عليه السلام
متدكدك ركن صبري بل انهار علينا اشكثر بالدنيا بلا انهار
نوحي ابليل لو نوحي بلنهار اشيوخ اهل المدينه اتقول هيه
الجواب
أنضام وحما العالم ولي لي...مرجان الدمع لنثرو لي لي
ابنهاري لنصب الماتم وليلي...وانوح او ينقضي عمري ابعزیه
وفاة الصديقة عليها السلام
الحسنان وأسماء بنت عميس
يا أسما اجلاي أحزاني لونها...على امنا ليش ما نسمع لونها
اهي طابت لون ماتت لونها...مريضه جاتون ونه شجيه
الجواب
موت المصطفی نکس علمكم...ويشجيكم عن البضعه علمكم
يعقلي دخلوا الحجره علمكم...وخبروا المرتضی ابهاي الرزيه
و عن لسان الحسن
يزهرا ضلعي ابحزني محنى...يزهرا الدهر من بعدج محنا
يزهرا الجان كل قلبج محنه...يزهرا اتكلمي وصدي اليه
عن لسان الحسين
یریحانه إلى الهادي يزهره...يمن نورج الهالعالم يزهره
قبل ماموت کلميني يزهرا...يیمه حسین انا ردي عليه
تغسيلها
وحق القال كل الفوز بهداي...دليلي امن الحزن مجروح بهداي
يهاللي اتغسل ام الحسن بهداي...تری کسر الضلع ماذي الزجيه
وفيه
يلذلي اشلون طاري الفرح وسمه...وعلي من غسل ام الحسن واسما
نظرها السوط ضر المتن وسمه...وجذب ونه الكسر ضلع الزجيه
تشييعها
يحق للروح من تحرم نعشها...وبحق بحزان هالدنيا نعشها
على اللي شيعوا خفيه نعشها...يویلي ابليل واندفنت خفيه
بعد دفنها
البضعه ام الحسن عاشت ودیعه...لصب دمعي ابمصايبها ودیعه
يحيدر عندك الزهرا ودیعه...ينادي المصطفى ونالت أذيه
الجواب
مصابك يا رسول الله وهانا...ووصيك كل عدو ذله وهانه
الزهرا مارعوا حقها وهانا...ادفنتها وعالجرى اعليها اشبدیه
