صارت صوايح للبنات الهاشميه...من صاح حيدر ودعوا الزهرا الزچيه

ايفت الأرواح أوداع مكسورة الأضلاع...ويشجي القلب حال الحراير عند الوداع
فوق النعش کلمن هوى والقلب مرتاع...بوداعة الله بعد ما نرتقب جيه

واعظم فجيعه اعلى النعش طيحة الحسنين...طلعت ایدیها امن الچفن ضمت السبطين
صارت الصيحه امن اليتامى والنساوین...والمرتضی پنشج او وناته خفيه

ضجت النسوه وبالسما انفجعت الاملاك...هز العرش نوح الیتامی ورج لفلاك
لن المنادي يا علي وخر يتاماك...وخرهم وشالوا النعش واعظم رزیه

هاي الفجایع صارت ابساعة التودیع...واليشعب الروح ويزيد القلب تفجيع
بنت النبي المختار ما حصلت تشییع...مهضومه بالتشييع من دون البريه

عاده الجنازه ايحشمون الها رجاجيل...تطلع وراها الناس في ضجه وتهليل
ونعش البتوله ويح قلبي اتشیع ابليل...بالليل خفیه شیعوا نعش الزچيه

چني ابحيدر ينحب ويخفي نحيبه...والحسن يبچي والقلب يوقد لهيبه
وحسين جسمه انتحل من عظم المصيبه...وزينب تجر ثوب الحزن ثكلى وشجيه

وفضه تنادي ريضوا ابنعش الوديعه...هذا الحسن وحسين في حاله فجيعه
وأسما تحن صرنا عقب عینچ ابضيعه...بلغي سلامي للنبي خير البريه