في اللطميات موت الوالده يحسين
سبط المصطفى الأكبر صاح اوهل دموع العين...جدد حزن جدنا اليوم موت الوالده يحسين
ما أقدر يشيعه أوصف حال الحسن عضيده...من طبوا ابوسط الدار شافوا الحاله امچيده
وحسين انصدع قلبه اولازم للحسن بيده...شافوا امدده الزهرا كل واحد جذب حسره
دق راسه ولطم صدره صاح الحسن واتحسر...جدد حزن جدنا اليوم موت الوالده يحسين
ضم الحسن لعضيده ابصدره وهل دموع العين...الله ایعظم الأجرك ابموت الوالده يحسين
خلا الدهر بفادي اوبفادك أثر جرحين...جرح افراق جدنا المات خلا اقلوبنا ابحسرات
وخلا امنا تجر ونات خويه والذي اكثر...جدد حزن جدنا اليوم موت الوالده يحسين
خر الحسن يتعفر ابجنب امه ابقلب مجروح...ایگلها کلميني الساع يمه قبل روحي اتروح
وصد لعضيده المظلوم دمعه اعلى الوجن مسفوح...ايقله وتهمل ادموعه وحزنه چاوي اضلوعه
وقلبه ذاب من روعه وابجنب امه يتعفر...جدد حزن جدنا اليوم موت الوالده يحسين
وابجنب اليسار حسين يبچي والقلب مفتوت...ملهوب الحشا ويصيح يا يمه ابعالي الصوت
آنا حسین واعزیزچ کلميني قبل ما موت...يمه ابكلمه كلميني ومسحي دمع البعيني
اعزیزچ ما تسمعيني صاح الحسن واتزفر...جدد حزن جدنا اليوم موت الوالده يحسين
ما بين اليتامي اتنوح أسما والقلب صادي...يولاد البتول اتصيح قطعتوا حشا افادي
روحوا خبروا الكرار ماتت بضعة الهادي...قاموا بالبچا السبطين يشجي حالهم لثنين
اید الحسن بید حسین اینادي والحزن يسعر...جدد حزن جدنا اليوم موت الوالده يحسين
وصلوا المسجد الأيتام بالهم والحزن يبجون...واصحاب الرسول اتقول چنكم جدكم اتذكرون
يتسلى الحسن وحسین رادوا چیف يتسلون...صاح الحسن وينادي سهم الحزن بفادي
ماتت بضعة الهادي جينا الوالد انخبر...جدد حزن جدنا اليوم موت الوالده يحسين
آه الحال ابو الحسنين حتى للعدو يشجيه...يتحسر اوخر لقاع ومن الحزن مغشي اعليه
وحسين انفجع من شاف حاله وانحنی اینادیه...بویه اتوعي خاف حسین بالوالد يفجعه البين
فك عينه ونظر لثنين ضمه الحسن واتحسر...جدد حزن جدنا اليوم موت الوالده يحسين
صاح المرتضی ويلاه یا زهرا فجعتيني...عقب المصطفی چنتي سلوى لي وتسليني
خلاني ابهضم وابنوح هسا انتي تخليني...واي اولا يفيد الواي راحت سلوتي وسلواي
ونار افراقهم بحشاي حن الحسن واتزفر...جدد حزن جدنا اليوم موت الوالده يحسين
