في رثاء الزهرة غير البتولة في قبرها
بس الله الله يا علي في الحسن وحسین...عينك عليهم بعد عيني يبو الحسنین
تفجع وصاياها البتوله في قبرها...للمرتضی وتشجيه مصايبها وأمرها
قضّت عقب عين النبي ابفجعه عمرها...اتوصّي علي اعلى أولادها بنت الميامين
امسح على راس الحسن في كل مسيّه...ونشّف ادموع حسين من يبجي عليّه
ابحبهم يبو الحسنين نفّذ هالوصيه...بيني وبين احباب قلبي فرّق البين
خلهم يزوروني اولو في اليوم مرّه...بيهم اتسلّی وتبرد بقلبي الحسره
وبلكت عليّه ایهون مني الضلع کسره...قرّة اعيوني اتهون بيهم لطمة العين
وبلكت زيارتهم اتنسّيني النوايب...ينجبر قلبي اللي اعلي ابو ابراهیم ذايب
اتقاسي اولادي من عقب عینك مصایب...من بني أميه اللي إلى أولادي امبغضين
چنّي أشوف الحسن يتلظى ابسمه...يقذف قطع چبده وأخوه حسین یمه
وچنّي أشوف حسین متخضب ابدمه...وحوله أولادي ابكربلا كلهم مطاعين
وزينب يحیدر لا اتخلّيها ابهضيمه...امن الأم صارت من صغر سنها یتیمه
وابکربلا زینب مصايبها عظيمه...تبچي على العباس واتنعّي على حسين
من کربلا للشام مسبّيه على کور...وإقبالها راس الحسین ابرمح مشهور
وتدخل مجالس بني أميه ولا لها اشعور...من هالمصيبه اتنوح وياها النساوین
