في رثاء القاسم:
يطير السعد يا جسام اتوعی...یا قمر عدنان
غيرك ما شفت عريس...يبني زفته نسوان
وسفه یا ضيا العينين يسنادي
رميه على الثرى يا مهجة أفادي
ضهري على فرقاك والقلب صادي
يبويه باقي اعمومك...كفن فصل لك اهدومك
ما شفنا قبل يومك...معرس زفته نسوان
اتوعی یا عزيزي ولا تون يبني
كلما تجذب الونات تشعبني
بفراقك يبويه البين لوعني
يقلبي ذوب واتفطر...على افراق لزهر
يبني اشهالعرس لقشر...معرس زفته نسوان
قومن یا حريم اوياي نصبوا النوح بخيامه
يوسفه زفته نسوان ما حضرت له اعمامه
يغصن البان يوليدي انقصف وانقضت أيامه
ينسوه خضبن اكفوفه...وغسلوا الدم من ازلوفه
عیني العما ولا اشوفه...ابعرسه زفته نسوان
يا طير السعد فرفر من ايدي وضاع دلالي
على ريع القلب دهري فجعني ومرمر أحوالي
يضيمي وضيعتي بعده صرت حرمه بلا والي
ابقلبي من الحزن تیار...يجري والدمع نثار
ما شفنا يجاسم صار...معرس زفته نسوان
قومي ابعجل يسكينه نودعه ونغمض اعيونه
وانعدله على القبله اشوفه بطل اونينه
وسفه یا دهر لقشر فرق بيني اوبينه
يسكنه لبسي احدوده...الجاسم ما اله عوده
اوليدي فجعته امجيده...معرس زفته نسوان
وصدت للشهيد حسين تصرخ يا ضيا اعيوني
راح الولد یا مظلوم ومنه خابت اظنوني
بعده العمر ما ريده دقوموا ابقبر دفنوني
يا لوعات القلب هيدي...راح الولد من ايدي
آه يا فجعة اوليدي...معرس زفته نسوان
طلعت من وسط الخيام تصرخ زينب ابهمه
وشافت بالثرى جاسم رميه امخضب ابدمه
وسكنه لابسه احدوده تنوح وتنتحب يمه
وصاحت آه واويلاه...معرس حنته بدماه
ما شفنا بعد شرواه...معرس زفته نسوان
وفوقه وقعت اتنادي ومنها القلب يتلوى
يريع القلب يا جاسم يغصن البان واتلوى
معرس ما اهتنى ابلعراس شوفوا الدهر ويش سوى
خلا ابيوتي من احبابي...يا هو اتصوب اصوابي
وصابه الدهر بمصابي...معرس زفته نسوان
