مات الحسن مسموم...مات الحسن مسموم
في ثار شبلك يا علي متقوم...مات الحسن مسموم

مات الحسن وحسین یمه اینوح...والدمع جاري
اینادي ودمعه بالوجن مسفوح...أوحشت داري
وقلبي يخويه امن الحزن مجروح...والقدر جاري
محتم علينا...ابشرعة نبينا
مسموم تقضي وانذبح مظلوم...مات الحسن مسموم

مات الحسن واستوحدوا اعضيده...ويندب حبيبه
وزينب تنوح وتضحك اجعيده...يا فخر طيبه
والعدو ابشامه کبر وعيده...الهاي المصيبه
وحسين يبجي اعلى الحسن مهموم...مات الحسن مسموم

مات الحسن واتزلزلت طيبه...صارت فجیعه
أهله تنوح الكل شق جيبه...ابحاله فضيعه
يا مرتضی واعظمهم امصيبه...حال الوديعه
مهضومه وتنوح...والدمع مسفوح
اتنادي العدو اتشمت علينا اليوم...مات الحسن مسموم

يحسين خلنا انودع الغالي...ابنظره أخيره
انت عقب عین الحسن والي...شيخ العشيره
خويه اله الله درحم ابحالي...أخروا سريره
خويه القلب ذاب...بفراق لحباب
كل الأهل وانا ابعزاهم...دوم مات الحسن مسموم

جدنا وامنا وحيدر الكرار...فتني مصابه
نصین راسه انشطر قلبي صار...مثله ابصوابه
وذاب القلب من يوم حامي الجار...ودع أحبابه
مات وفجعنا...من بعده ضعنا
واتجدد امصابه علينا اليوم...مات الحسن مسموم

خلوا النعش بتودعه اعياله...یابن الزچيه
مدري أسكت ضجة اطفاله...التفتر عليه
لو اودع الوالي ابشياله...واعظم رزیه
ونتك يحسين...تعمي لي العين
من تنتحب واتصيح یا مظلوم...مات الحسن مسموم