هذا الوعد يحسين
ودعني يحسين...ودعتك الله
صح الحديث اللي وعدنا المختار...ودعتك الله
بوداعة الله يا عزيزي والروح...يابن الزچيه
هذا الوعد يحسين بس امن النوح...يابن الشفيه
مسموم انا وانت يخويه مذبوح...بالغاضريه
وانا اندفن وانت رميه بالأوعار...ودعتك الله
والي وچفيل العيلتي يا مظلوم...من بعد عيني
فرقوا الاعدی یا عضيدي هاليوم...بينك او بيني
سکت الحوری امن البواچي وكلثوم...لا يفجعوني
وسكت ايتامي يا عزيزي لصغار...ودعتك الله
بس الله الله عقب عيني ابلطفال...هاي اليتامی
يحسين بعدي الله الله ابلعيال...هاي الأيامی
حصل عدونا اللي يحب بينا ونال...عيد ابشامه
اتسلى يخويه اللي انكتب لينا صار...ودعتك الله
وين الوديعه زینب اتودعني...ودي أراها
قلها تخلي النوح لا تفجعني...خويه ابچاها
لنها تقله شوفتك تشعبني...وچبدي فراها
اونينك يخويه والقلب يشعل نار...ودعتك الله
قلها اصبري واتجلدي ابكل امصاب...آه يالوديعه
أهون مصيبه موتتي عند احباب...واهون فجيعه
لكن امصيبة بو علي اتشيب الشاب...ضيعتچ ضيعه
صاحت فجعت القلب من هالأخبار...ودعتك الله
قلها عقب خدرچ يزينب والصون...عقب العشيره
من غير والي ضایعه ابذله وهون...حسرى ويسيره
ويا النسا واعلى المطايا اتركبون...فجعه وکسيره
حتى المجالس تدخلون ابلا اخمار...ودعتچ الله
