وابنه الباقر يصفج اشماله
بطل ونینه وغابت النفس الأبيه...وبالنوح ضجت كل بنات الهاشميه
وارتجت ابكثر البچا ارض المدينه...سمعت الشيعه واصبحت كلها حزينه
وابنه الباقر يصفج اشماله ابيمينه...ويصيح ومن الحزن چبده ملتضيه
محد انصاب امن الملا مثلك يسجاد...قاسيت ذل امن العدی يا زین العباد
كل الذي صابك يبویه ایفت لفاد...شفت الفجایع والهضم بالغاضريه
فقد العشيره وضيعة النسوه والأطفال...وقيدك ثجيل اوجامعه وابزندك اغلال
اووليه عدو قاسي القلب ما يرحم الحال...وتصفيدك ابظهر الجمل اعظم رزیه
صادي الحشاشه وبالدمع تهمل اعيونك...کلما تون بالسوط لعدى يضربونك
جسمك نحيل امن المرض ما يرحمونك...واتشفت العدوان منك يا شفيه
من کربلا ابهالحال للكوفه بالاصفاد...واكبر هضيمه ادخولك ابمجلس ابن ازیاد
متشمت اوآمر ابذبحك نسل لوغاد...لولا الوديعه جرعك كاس المنيه
واعظم عليك اوعلى النسوه مجلس ایزید...مکشوف راسك دخلوك ابرجلك القيد
والحرم مچتوفه اوصار ابمجلسه العيد...اتشفی وشرب كاس او تغنى ابن الدعيه
من بعد هالذل والمصاب اوکثر لهموم...النوح دابك والحزن يزداد كل يوم
ابهالحال كل عمرك اوتالي اتموت مسموم...ما انصاب واحد مثلك ابکل البريه
