زینب ناحت...فوگ الهزل...يا با الفضل
بونه صاحت...فوگ الهزل...يا با الفضل
ترضى الشمات يهضموني...بسياط الجور يضربوني

عالناگه زینب يا شهم وتتفرج عليها الناس
هاي الأبيه الطاهره بين العده مهبطه الراس
وكل ساعه ينشدها عدو چا وین اخوچ العباس
شو عافچ وخله الخدر عباس راعي النوماس
وآنه اتحسر...فوگ الهزل...يا با الفضل
گلبي تفطر...فوگ الهزل...يا با الفضل
جبتوني وبالطف عفتوني...وبسياط الجور ایضربوني

ولن صوت من صوب النهر یا زینب تحشميني
وتدريني ما احمل عتب نشمي اوفي تدريني
لاچن چفوفي امگطعه والسهم صوب عيني
والهامه يختي امهشمه يم الخدر عذريني
تگله اعذرتك...فوگ الهزل...يا با الفضل
يا لماشفتك...فوگ الهزل...يا با الفضل
لاچن یا وسفه تخلوني...بسياط الجور يضربوني

زینب تعاتب بالگمر ولن سکنه صاحت بونین
كافي العتب يا عمتي وشوفي شجره براس حسين
دارت وجهها وشافته لن دمعته عالخدين
صاحت تمنيت العمه ولا شافتك خويه العين
گامت تنحب...فوگ الهزل...بابا الفضل اختك
زینب...فوگ الهزل...يا با الفضل
تمنيت عميات عيوني...وبسياط الجور ایضربوني

صاحت يبو اليمه الچنت غصنك أنام ابفيه
یالچنت خیمه واسعه ومغلوگه دوم اعليه
فدوه اروح لدمعتك ودمومك الجاريه
كل سهم صابك لو رمح لوسیف گبلك بيه
لاچن ونّي...فوگ الهزل...يا با الفضل
الچافل ضعني...فوگ الهزل...يا با الفضل
خابت یا عباس ضنوني...وبسياط الجور ایضربوني

ولن ابو اليمه بعبرته ودمومه المسچوبه
ناده يبت حيدر علي يمخدره و محجوبه
واسيتچ بسلب الخدر بجسم اللي سلبوا ثوبه
اواست امتونچ جبهتي وي چدني المصيوبه
اختك اختك...فوگ الهزل...يا با الفضل
يقبل بختك...فوگ الهزل...يا با الفضل
والوادم عنك نشدوني...وبسياط الجور أیضربوني