یا کربله ذلينه...عالمشرعه والينه

یا کربله وطر الفجر...وين انطي وجهي اليا كتر
لا خيمه ضلت لا ستر...وتدريني آنه أم الخدر
يا کربله وتدرينه...عالمشرعه والينه

يا کربله گلبي انفطر...چم لوعه راواني الدهر
ضلع امي شفته من انكسر...وانظرت ابويه من انطبر
وامني بيد العينه...عالمشرعه والینه

وثالث مصيبه اللي شفت...چبد الحسن وسط الطشت
گلبته بچفوفي ونحت...یا ریته ضل وانه المتت
یا کربله وحنينه...عالمشرعه والینه

ومصیبتچ یا کربله...خلتني ابچي وناحله
من عگب عز عقد الوله...امشي ابيسر وي حرمله
یا کربله حاچينه...عالمشرعه والينه

واعظم مصيبه وفاجعه...جثة حسين اموزعه
وامي تدگ یم مصرعه...وشايله اچفوف امگطعه
تبچي عله چفینه...عالمشرعه والینه

یاکربله شحچي بعد...لا ضل اخو لا ضل ولد
عالشاطي مطروح الأسد...مجسوم راسه من العمد
یا کربله رحمينه...عالمشرعه والینه