علي بن الحسين الأكبر
يذكرهم حرب صفين وعده...وفي وجدل جثير ابطال وعده
والبكر بن غانم جتل وعده...يريد الجایزه قطرة اميه
وفيه
يبويه شوف من هالعطش وشفاي...فت جبدي ولساني يبس وشفاي
يبويه حسین شربة ماي وشفاي...غليلي امن الظما قبل المنيه
الجواب
علي هيجت حزني علي والماي...مظن ويا الحياة ايصير والماي
تريد الماي يبني اشلون والماي...عليه حاطت عساکر آل امیه
شهادته
اشقاسی بالطفوف حسین شبلی...شبه جانون وسط احشاه شب له
من هبط يصيح وشال شبله...على الدنيا العفا يبني اشبدیه
وفيه
حزين القلب طيب الفرح يابا...على اللي صاح وسط القوم يابا
لفاه وفوق صدره حسین يابا...وطلعت صارخه لیلی شجيه
وفيه
شبيه البدر وجه ابنج يلیلی...شباب وحاوي كل خصله يلیلی
دوقومي اوودعي الاكبر يليلی...يلوج ابنج ومشرف عالمنيه