خروج الحسين من المدينة
انطبع قلبي على الأحزان وانساك...بخوانك يعزي اتشيل وانساك
يبويه لا تظن أسلاك وانساك...لجيم النوح کل صبح ومسيه
وفيه
بعدكم لا تظن آشوف راحات...بس دوبي البواجي وصفق راحات
لفراقك يبويه الروح راحات...اخذني اوياك لرض الغاضريه
الجواب
انا اشبيدي يريحاني وروحي...ونينج ذوب افادي وروحي
ارجعي للبيت يا بنتي وروحي...وندبينا ابصباحج والعشيه
تطلب بقاء الطفل
یبویه افراقكم للجسد خله...ودليلي الهم مدى الأيام خله
الي سلوه يبويه الطفل خله...وروح امودع الله اتعود اليه
الجواب
يجف دمعي امن اناجي الطفل ودعي...وقلي اشمن دعا الينجيك ودعي
يقلها للرضيع ابعجل ودعي...انا وطفلي ابقبر بالغاضريه
خروج الحسين من مكة
وداع عبد الله بن جعفر
ابدمعي عن حزن قلبي وضاحي...ابغيرك ما بلد اشرق وضاحي
طواف وتلبيه ابمکه وضاحي...اخبرني انصح الك بالغاضريه
الجواب
سؤالك بالقلب جمره الي شاب...ومن احزاني الشعر لسود الي شاب
ألبي وأسعى من يوقع الي شاب...على الغبرا واطوفن بيه رمیه
وفيه
أجاهد في نجاة الدين واسعى...عليه اجروح بقصی احشاي وسعی
طوافي ابجثة العباس واسعى...العلي الاكبر وجاسم بالسویه