شجاعة العباس بن علي عليه السلام
نده عباس هذا اليوم يومي...تخر اصفوف بس بالسيف يومي
يو أورد حياض الموت يومي...السكنه واوفي العهد العلیه
وفيه
حياض الموت عدوانه وردها...کفو والمشرعه ابعزمه وردها
غرف غرفه وذكر خيه وردها...الشرب قبل السبط يحرم عليه
وفيه
على راسه ترف بالنصر رایه...حمل والكون بالبتار رایه
يجيب الماي للاطفال رایه...اشبيده والقدر ساق المنيه
الشهادة
يخويه الدهر ما بيه فرح ويسار...ودايم يمزج الاعسار ويسار
يخويه ما بقت لي ايمين ويسار...وشيلي للوى يصعب عليه
وفيه
مثل مالك ابهالعالم وعينه...انتدب يحسين لعضيدك وعينه
عزیزك قطعوا اكفوفه وعينه...خسف ضيها السهم یابن الزجيه
وفيه
بحر فضلك يخويه عذب ينراد...وعزمك عيب عن كل ظفر ينراد
الأخو تدريه للشدات ينراد...وانا ابشده اوقعت لحق عليه
وفيه
يبو فاضل جزاك اللوم وعداك...سكنه الياوكت تنتظر وعداك
خواتك تنتحب بالخدر واعداك...يخويه امعيده وشمتت عليه