القاسم بن الحسن
يعمه العرس موش ابحزن ردنا...وعريسي فجعني ابقطع ردنه
يعمه قولي للمظلوم ردنا...الوطن جدنا النبي قبل الرزيه
شجاعته
جذب لرقابها ابسيفه وتلها...وفرت خوف من باسه وتلها
وساوی ابجثث وهدتها وتلها...کفو جده الوصي ليث البريه
الشهادة
حنين الروح للجاسم تحنه...مصابه کل ضلع لجله تحنی
عريس ابدم الهامه تحنه...ونثار اوليدي اسهام المنيه
وفيه
من جوهر لطيف الحسن منسك...ألج بسمك نهار وليل منسك
درس لي صار نعيك شبه منسك...بجاسم خابت اضنوني اشبديه
وفيه
تركت امك ابكل محنه وشده...ألغن يا جرح منك وشده
جرح اللي ابخاصرتك وشده...جرح راسك فجعني وفتك بيه
رملة والقاسم
يجاسم يا قمر جالبدر تميت...لون بيدي يصح وياك تميت
يعريس ابصباح العرس تميت...على الغبرا وعروسك في عزيه
الجواب
كلامج ألم افادي شجاني...تعتبيني انا اشذنبي شجاني
يیمه انتي نظرتي لي شجاني...من اجموع العدی یمه اشبديه