تشجي المحب وقفة غريب الغاضريه...ايأبن حبيب أو يجذب الحسره شجيه

انهدت أركانه وانتحب مهجة المختار...نادى توعى وانتبه يا شيخ الأنصار
لحد يطاعون العدى وعمدة الأحرار...بالترب نايم وإنت جيدوم السريه

بالترب نايم ليش هالنومه الطويله...هذا العلم مطروح بعدك من يشيله
بن سعد آمر تزحف أجنوده وخيله...ترضى عليه ايحوط عسكر آل أميه

يهل الشيم هاين عليكم تتركوني...من غير ناصر والعدى يستوحدوني
آنا الوديعه امن النبي وتضيعوني...ما بين العدوان ما بيهم حميه

ودع حبيب اوقام محنيه اضلوعه...يبجي ومثل صب المطر صبت ادموعه
قاصد الخيمه ونادته زینب ابلوعه...حالك شعبني وهيج أحزاني عليه

قلها يزينب هد ركني فقد الاحباب...يم المصايب ساعديني عند المصاب
وسفه حبيب الليث وسط المعرکه انصاب...صاحت يروح المصطفى وقلب الزجيه

ما قلت إلك لرض الوطن رد الضعينه...قبل المذله والهضم يوقع علينا
الله يدومك سور عالي وعمد لينا...ويسلم الشبان والعباس اليه

قلها استعدي يا حزينه للفجيعه...امن انصارنا نستخلف الله یا الوديعه
وعباس أخيج ينجدل يم الشریعه...وأنا انذبح ظامي وجبدي ملتضيه