رثاء زينب الكبرى
موش امن الدهر هذي غريبه...ابطيبه ابکربلا امن اهلي غريبه
وانا اببلدة الشام اقضي غريبه...بعيده امن الوطن لا أهل ليه
زيارتها
دليلي اعلى الحزن والهضم ينزار...يحق نشر لعلام السود ينزار
على اللي الهاقبر بالشام ينزار...ولها قبه ابمصر طيبه وزهیه

بكاء أهل البيت
انا ما سأل على من جاي مراح...بعدكم واحن وادمي راح مراح
للوافد شقله لون مراح...ذلوله وسأل وين اهل العطيه
زينب ترثي اخوتها
اهل غيره اخوتي جانو شفایا...جفوني وتلج بسماهم شفایا
انوح الدهر ما يقضي شفايا...اظل ابجي اخوتي اليوم المنيه
وفيه
الي دوحة مجد شامخ ولي عود...والي جد أشرف العالم ولي عود
وبعد هيهات ما ظن لي ولي عود...هلي ظلوا جثث بالغاضريه
عن لسان زينب
الصبر أولى على الشدات وانسب انا الحره انتمي للشرف وانسب
عقب عزي انهضم بالشام وانسب يسموني الاعادي خارجه
في مجلس يزيد
يون قلبي ويطوح دوم ونته...على الصاحت يزيد ارتدع وانته
انا حرمه ولا لي اهل وانت...ملك تقهر ابسلطانك رعيه
وفيه
يقلبي الطارش احبابي شتملي...قضوا بالسيف كل اهلي شتملي
هضمني ایزید بالمجلس شتملي...ودرك ثاره ابهلي امصيبه عليه
وفيه
ازم يذبل من البيده وگله...من اصواب الدهر أهون وگله
وين اليعتني الحيدر وگله...زینب واجفه ابدیوان امیه
محمد وزينب
قشره اعلوم عن اهلي لفتني...احن بالبيت والناعي لفتني
يزينب واعظم امصابج لفتني...يقولون ابوسط مجلس هدیه
الجواب
درك ثاره یزید وحصل راحه...تشفى وظل يغني وشرب راحه
تهنی وبالمسره صفق راحه...وظل ينكت ثنايا ابن الزجيه