يولاد مسلم
يولاد مسلم ما تسمعوني...يا ضوى اعيوني
اتونون بسکم لا تفجعوني...يا ضوى اعيوني
أون الونة الأيتام والمهجة اخلصت ما بي
أولاد النفل مسلم أغلا من كل احبابي
آه يصوابهم بحشاي دامي ايألم اصوابي
لو ونيت...لو حنيت...وانسليت
وني ما يطفي جمرة افادي
يطفال اندب ما تحاجوني...يا ضوى اعيوني
الوالدكم ألف وسفه صار ابولية العدوان
قطعوا اعلى القصر راسه وذبو جسمه بالتربان
وابرجله حبل شدوا سحبوه ابأرض کوفان
اهله وين...واهل الدین...وین حسین
احچي اوياكم ما تلبوني...يا ضوى اعيوني
وآه الخالكم مذبوح بالطف يشجي امصابه
من حوله اخوته ايونون صرعی وجملة اصحابه
راسه اعلى الرمح مرفوع شیبه ابدمه اخضابه
وجسمه آه...واويلاه...رضوا اعضاه
خیل اعداه...اوفجعوا بيه احبابه
وانا قبلکم ليت ذبحوني...يا ضوى اعيوني
ولامكم آه واويلاه مدري احوالها اشصارت
ابفقد الزوج فقد اخوان فقد اولادها احتارت
ابغربه وخوف ذله وضيم بعد اخوانها صارت
تنشد دوم...عنكم يوم...هجموا القوم
والاطفال خوف امن العدى القوم
نادت اولادي لا تروعوني...يا ضوى اعيوني
وآه لمصابكم ويلاه ذابت مهجتي وحشاي
شب نیران واندهشيت حين اتعفريتوا احذاي
واجثثكم ينور العين حين اتحاضنوا بالماي
مالي حال...دمعي سال...بالولوال
صحت وقلبي بيه ألف چواي
رحتوا ابفجيعه لا تخلوني...يا ضوى اعيوني
