من عرفته مسلم وعرفت صدق محتار...صفقت بدیها وبالضمایر تلتهب نار

وشهقت ودمع العين يجري على الخدين...وقالت انچان انت صدق مرسول لحسين
يا سيدي اتفضل على الراس او على العين...الله يسكن روعتك يا نسل لطهار

حسبي على ابن ازیاد وافعاله الشنيعه...وحسبي على اللي خانكم وانکث البيعه
وخلاك حاير خايف ابحاله فجيعه...تكسر الخاطر تلتجي من دار إلى دار

خايف من أهل الغدر للظلام مطلوب...عيني الك اوسع من المنزل يمهيوب
ثاري الدهر يجري على الأحرار مقلوب...ابن ازیاد آمن وأنت لا مأوى ولا انصار

قلها يحره نار حزني لا تهيجين...خوفي وهمي الغربتي يمكن تظنين
خوفي يطوعه وحسرتي كله على حسين...واعلى بنات المرتضی حیدر الكرار

چني ابحبيب المصطفی ایحث الضعينه...قاصد الكوفة ايغيث هاللي امبایعینه
واشبال هاشم عن اشماله وعن يمينه...عباس واخوانه طبق تشبه الأقمار

ما ظن يحج ابهالسنه وهايم بالبرور...وياه بنات المرتضی ربات الخدور
وأما الفجيعه لو لفى الكوفة ابعاشور...حلت مصیبة کربلا اليذکر المختار