مسلم یا بعد عيني
طوعه اعلى السطح واتصيح...مسلم يا بعد عيني
حالك ذوب افادي...وشعندك توصيني
ضيفي اوجنت انا اتشرف ابها لخدمه او قلت يا ليت
لهلك بالسلامه اتعود وابهالحال ما ظنيت
جند الشر من ابن ازیاد حرابه تجي للبيت
لكن سلمت ایمينك...جاهدت العدی ابدينك
اشبيدي مقدر اعينك...فدوی اتروح اولادي
مسلم يا بعد عيني...وشعندك توصيني
لو اقدر أطب وياك وسط المعركه واحميك
لو اكتب إلى العباس واخوانه رساله اتجيك
او لو ایفید الفدى او تسلم جان ابمهجتي افديك
لكن حرمه والعدوان...غداره او قضی الرحمن
تستشهد برض كوفان...لجلك للبس اسوادي
مسلم يا بعد عيني...وشعندك توصيني
قال الها يطوعه اوصيج لو طبوا حرم وایتام
مسبيات قصديهم قبل ما يوصلون الشام
فيهم لي يتيمه اتنوح بلغيها سلامي التام
وفيهم زينب الحوری...مهضومه او مكسوره
تنعى حسين معذوره...صاحت والقلب صادي
مسلم يا بعد عيني...وشعندك توصيني
ودورات الدهر دارت على اهل البیت اهل الدين
او وقعة كربلا صارت او بیها ذابحين حسین
وانصاره واهل بيته وقمر عدنان يمحبين
وللكوفه خذوا لطفال...والنسوان فوق اهزال
وجت طوعه تشوف الحال...ذكرت قولها اتنادي
مسلم یا بعد عيني...وشعندك توصيني
وصلت للنسا تنشد اودمعتها على الخدين
زینب وین خبروني اوبت مسلم حميده وين
وسمعت زینب اتنعي على العباس أو على حسين
وقفت تنتحب طوعه...بالحسرات واللوعه
صاحت وهي مفجوعه...حل اليوم ميعادي
مسلم يا بعد عيني...وشعندك توصيني
قالت والدموع اتفیض یا زینب يمحزونه
مسلم صار عندي ضيف والعدوان ایطلبونه
لیله اومقدر احجي الحال يفجعكم تسمعونه
هجموا عليه وعاف البيت...حاربهم وانا انسمیت
واعظم من وقع ناديت...اونار الحزن بفادي
مسلم يا بعد عيني...وشعندك توصيني
من شافت حمیده اتنوح بین الحرم عرفتها
تنعى اعلى الأبو او طوعه انفجعت آه وقصدتها
ضمتها او مثل ما قال بالخدين حبتها
اتقلها والدمع سجام...ایبلغج السلام التام
مسلم انتي والايتام...يوم الصرت انا انادي
مسلم يا بعد عيني...وشعندك توصيني
صرخت طفلة المذبوح صاحت وهي مفجوعه
خبريني عن الوالد باللي شفتي يا طوعه
قالت عهدي بيه مجتوف راحوا بيه وادموعه
بالخدين هماله...لجل حسين وعياله
فت حتى الصخر حاله...نادیت ابقلب صادي
مسلم يا بعد عيني...وشعندك توصيني
