أوصيج يا طوعه
طوعه تجر حسراتها تصفج الجفين...مسلم يوصيها ويهمل دمعة العين
اتجيكم عزيزات الرساله فوق لكوار...خبر يهم ابحالي وعن كل الذي صار
وبلغي سلامي امخدرة حيدر الكرار...يوم الحشر يشفع إلج خير النبيين
واتزفر اوحن وجذب حسره شديده...أوصيج یا طوعه تری اخباري أكيده
وبلغي سلامي الغالية بنتي حميدة...ضميها عني وقبلي منها الخدين
قالت تذوب الروح یا مسلم وصاياك...لولا الوصایا جان يحلى الموت وياك
أطلب من الله اجتمع ويا يتاماك...واوصل إلى بنتك على الراس أو على العين
ودارت رحى الأيام بأحوال عجيبه...وحلت على أهل البيت منها هالمصيبه
والتقت طوعه أم الوعد ويا الغريبه...وضمت حمیده للصدر بين النساوین
وقالت يبنتي والدج يهدي سلامه...ليكم وخص امخدرة كهف اليتامی
یا مهجتي وأوصاني ابآخر كلامه...عنه أضمج والثم اخدودج الصوبين
قالت يطوعه خبريني اشلون حاله...يوم الذي هجموا عليه وانصار ماله
قالت عن ايمينه الأعادي وعن اشماله...حاطوا وظل بمهنده يحطم الصفين
وأنا يبنتي اعلى السطح واعيوني اتشوف...زلزل الكوفه وصب عذاب اكسوف وخسوف
كلما اتجيه اجموع رد اصفوف بصفوف...وحل القضا وخر بالحفيره ابن الميامين
وعهدي ببوج امجتفينه القوم قادوه...واسمعت قالوا امن القصر للقاع ذبوه
بالحبل بالأسواق وسفه الجسد سحبوه...والراس ليزيد انهدي وافجعة الدين
صرخت الطفله هالخبر فتها وفجعها...لطمت صدرها والحزن احنى ضلعها
تندب أبوها وينفجع کلمن سمعها...يا والدي بيني وبينك فرق البين
