قالت اخبرني عن مصاب الغاضريه...قلها احتسبي وهلت ادموعه جريه

عبدالله فوق الترب ظل ايعالج الروح...ولا ترقبي جعفر عزیزج راح مذبوح
وعثمان متعفر ابحر الشمس مطروح...كلهم ابساعه اتجرعو كأس المنيه

يم البنين احتسبي بالمهيوب عباس...قطعوا العدى اشماله ويمينه وفضخوا الراس
وصابه سهم في وسط عينه صعب لمراس...وابکربلا بدرج اخسوفه یا زجيه

قالت أولادي اتروح بحسين الكفايه...وكل الخلایق دونه اتضوق المنايا
ما عندي دون ابن البتوله حسين غايه...يسلم وفدوه اتروح إله كل البريه

ما تسوى طفل حسين عندي هالعوالم...یا بشر نعيك فتت اجبود الهواشم
قلبي انفطر بس قول راس حسين سالم...هاجت احزاني أولا بقت بيه بقیه

اتحسر وقال الها اخبرج یا حزينه...من عقب ما ذبحوا العدى اخوانه وبنینه
صابه حجر میشوم شق غرة جبينه...وسالت ادمومه اعلى الوجه وأعظم رزیه

شال الشهيد حسين ثوبه يمسح ادماه...وسهم المثلث ويل قلبي اتوسط احشاه
انحنی وجر السهم عن قلبه من اقفاه...طلعه وخر من ظهر مهره اعلى الوطيه

يم البنین امصيبته صعبه وشديده...شمر الضبابي هبر ابسيفه وریده
يم البنين أو قطع الجمال أيده...ورضت اضلوع حسين خيل الأعوجيه

من عقب ذبحه اعلى المخيم غارت الخيل...وبالخيم اطفال ونسا وزينب والعليل
ومن هجمت العسكر غدت ذيج المداليل...بالبر شتت صارت ابولية بني أميه