یا ضوى عيوني
يا علي يا بني...يا ضوى عيوني
يا ثمر قلبي...ما تحاكيني
أنت والوالي لا تضيعوني
ما وفيت ارباي يا بدر سعدي...ما قلت يحشاي من عقب فقدي
من يظل وياي ما بقى عندي
يرد عدواني...من يذلوني
أنت والوالي لا تضيعوني
هاي تاليها يا علي الأكبر...دوم أصاليها اهمومي واتحسّر
اشلون أخليها جثتك بالبر
بالله دلوني...يا لفجعتوني
أنت والوالي لا تضيعوني
یا عديل الروح يا ثمر قلبي قلبي كله جروح واشتكي الربي
قلي وين آروح ما أدل دربي
اشلون عفتوني...ابغربة سبتوني
أنت والوالي لا تضيعوني
من تون بهداي قلبي اتفطر من يظل وياي يرد هالعسكر
والله ذاب احشاي يبني يالأكبر
عميت اعيوني...كيف تنسوني
أنت والوالي لا تضيعوني
تون تشعبني خدك امعفر یا جرح یابني يضهدك أكثر
يقلها أبهضني راسي المطبر
اتقله يعيوني...كيف تعموني
أنت والوالي لا تضيعوني
بطل اونینه راد ایحاکیها وابطرف عينه أشر اعليها
وحرك ایدینه کن يناديها
يمه ودعوني...وصاحت اعيوني
أنت والوالي لا تضيعوني
وایست منه وهلت العبرة وقطعت الظنه واجذبت حسره
وصاحت ابونه قلبي شيصبره
یا ضوى اعيوني...لا تخلوني
أنت والوالي لا تضيعوني
