في زهرة شبابه
في زهرة شبابه...فارگهم احبابه
هالشاب...ينصاب
في زهرة شبابه
آه يبني لون ويّاك لو شمتت عليّه اعداي
لغسل طبرة الهامه ولكن وين يبني الماي
دمي الغسل لكن چيف دمعي من ادموم احشاي
ياحلو المعاني...حاربني زماني
هالشاب .. ينصاب
في زهرة شبابه
ظل ينحب على اوليده اوضج النحبته الوادي
اوصاح اگعد ينور العين يا سلوه إلى افادي
لـمّك شعتذر شاگول لوىجت تبچي واتنادي
والمهجه لهوفه وين ابني بشوفه
هالشاب .. ينصاب
في زهرة شبابه
بطّل ونته الأكبر للوالد شبح بالعين
دم راسه من اتحرك ظل يسفح من الصوبين
يحچي راد ما يگدر گلي اشحال قلب حسین
يشجيها الأعادي...من هبّط ينادي
هالشاب .. ينصاب
في زهرة شبابه
يبني انت رحت للحور من حوض النبي تشرب
وظليت آنا گلبي ایفور بفراق وعطش يلهب
واسچب دمعة البلعين بوليدي عليك انحب
احنی اعليه ضلعه...من دنّگ يودعه
هالشاب .. ينصاب
في زهرة شبابه
ليتك يلمحب يمّه اتعاين شالسدی ابحاله
هبّط وانحنى ظهره أو حن أو جمّع اوصاله
بالبرده السبط ويلاه لف ابنه علي وشاله
ظل ينده يغالي...بتشوفك اعيالي
هالشاب .. ينصاب
في زهرة شبابه
صدره ابصدر أبوه حسين رجلينه تخط بالقاع
جابه للخيم ويصيح یا لیلی دقومي ابساع
طلعت واطلعت زینب مدهوشه بليا اقناع
مفجوعه وتنادي...متلهلب افادي
هالشاب .. ينصاب
في زهرة شبابه
مدّد مهجة افاده بین امّه أو عماته
وضجن يمه بالصيحات من عاينن طبراته
فك عينه يودعهن واتگاصرت ونّاته
تتفایض اجروحه...من فارقت روحه
هالشاب .. ينصاب
في زهرة شبابه
