أكبر ينور اعيوني...نيّتكم اتضيعوني
حرمه غريبه وعدوان...أكبر ينور اعيوني

ما تصد ليّه ابعينك ماني أمّك الربيتك
واسهرت ليلي برباك دم مهجتي غذّيتك
ما تنتبه من هالنوم بسمك أنا ناديتك
حتى العدى سمعوني...لكنهم ما رحموني
رمز الوفا أنت وعنوان...أكبر ينور اعيوني

يا جرح يا لب احشاي بيدي أشده منّك
لا تون قطعت امعاي خلقت بروحي ونك
من تون انحب ويّاك ما تسمع نحبي چنك
عميت يعقلي اعيوني...عمّاتك ايسعدوني
وذابت اقلوب النسوان...أكبر ينور اعيوني

امّلت يبني وظنّيت أسعد ابفي اظلالك
تبلغ ابدنياك اتفوز وابلغ اربي اعيالك
خابت اظنوني ابهاليوم حتف المنايا غالك
عدوانك ايشوفوني...ابصوت البچا ایسمعوني
يا ليت يومك لا چان...أكبر ينور اعيوني

لبّاها وبطل لونين ما سمعت أيون ساعه
امغمض يويلي اعيونه ایجاذب نفس بنزاعه
شهقت وصرخت بالحال واهوت ومدّت باعه
مات الولد سعدوني...وابمهجتي عزّوني
آه اعلی زین الشبان...أكبر ينور اعيوني

يمّ المصایب زینب شوفي ابني جسّي نبضه
انچان بيه روح ايقوم خل من النوم انوقضه
وانچان میّت یا حيف يبقى الولد بالرمضا
عن حالته خبروني...وابحسره لتخلّوني
بعدك اوليدي عطشان...أكبر ينور اعيوني

حاول يفتّح عينه ويحاچي أمّه ابکلمه
ما قدر ومن الطبرات وسفه تفایض دمّه
ومالت رقبته ومن مات شافته وصرخت يمّه
ويا الولد شيعوني...وابحفرته دفنوني
ماريد أعيش ابأحزان...أكبر ينور اعيوني