ظهري انكسر یا عباس
يجذب حسرته المظلوم...عد عباس وينادي
کلما تون یاعباس...طعن ارماح بفادي
طاح اعلى الأخو المظلوم دمعه اعلى الوجن هامي
ايقله يا عميد الجيش يا لحمّاي لخيامي
ذلت بعد عزها اليوم بین اعداك ايتامي
يا سور الحما يا طود...وين العلم وين الجود
كلما شفت فضخ الراس...طعن ارماح بفادي
قال العلم مني طاح من قطعوا العدى اكفوفي
واحتاطوا علي صوبين من شامي ومن كوفي
وسهم الشوم شق الجود سهم انفقد بيه شوفي
هل دمعه الشهيد حسين...قله یا نصیر الدین
منك اسمع التفصيل...طعن ارماح بفادي
صاح ابن البتوله حسين وين السيف يا عباس
بسنوني لزمته قال بيّه حاطت الأرجاس
وطاح السيف مني ابحين صابوني ابعمد بالراس
خويه ما بقت لي زنود...ألزم سیف وألزم جود
صاح حسین حکيك صار...طعن ارماح بفادي
ظهري انكسر يا عباس خويه وقلت الحيله
هذا العلم وظل مطروح محّد بعدك ایشیله
دنق شبل أبو الحسنين للعباس بيشيله
قله لا توديني...خايف سکنه اتجيني
قله اتظل على التربان...طعن ارماح بفادي
ايقله يا ظفر شاگول لوجت الحرم يمي
وزينب تنشد وسكنه وينه ما رجع عمي
يشرب ماي ينساني بويه وين انا سهمي
وجت لطفال ملهوفه...وين الماي بنشوفه
من تنشدني عن حالك...طعن ارماح بفادي
حن عباس واتلهف ویلي ظل يجر حسره
قله اعتذر يا مظلوم تدري ابخيك وعذره
لا كفين عندي وعين شقت راسي الطبره
انظر حالتي يحسين...ك فدى وفدا للدین
قله حالتك عباس...طعن ارماح بفادي
مالت رقبته وحسین شد للأخو بیده
بطّل ونته عباس فاضت روحه وعضيده
حن واتحسر وناداه لكن قلي شيفيده
عباس انتهى يومه...وقام حسين وهمومه
تشجي الكون وينادي...طعن ارماح بفادي
