من يشيل العلم
من يشيل العلم...يا کفیل الحرم
خويه ظهري انكسر...من يشيل العلم
بالحرب تدري يخويه وخطته وتفهم الغايه
معقد الجيش وعميده وقایده صاحب الرايه
وانت يمناي ويساري وللنسا کهف الحمایه
وانت عن كل حال تدري...مستشاري وطوع امري
من الوالد انت ذخري...وهاي يا خويه النهایه
يا ربیب الشيم...سکنه وسط الخیم
تنتخي او تنتظر...من يشيل العلم
ايقله ليش السهم ناشب خويه خليته ابعينك
شوفته والله اشعبتني چان رمیته ابيمينك
بالزنود ایشير ساعدني يخويه الله يعينك
شیل هالناشب ابعيني...وعاين اشمالي ويميني
امقطعه فدوى الديني...خويه خل ألثم جبينك
روحي لجلك عدم...لولي چفي سلم
ما قلت شالبصر...من يشيل العلم
ايقله خويه او عدت سکنه اتجيب ماي او للعوايل
اوصلت للماي ونسيت الوعد خبر يابو فاضل
انتحب عباس الشفيه وقال خويه لا تسایل
شوف اخوك وشوف عينه...شوف جوده امزّگینه
شوف راسه فاضخينه...ومخه ويا الماي سايل
دهر جار وظلم...والعدو ما رحم
خويه شنهو العذر...من يشيل العلم
للخيم خلني أشيلك قال يا مظلوم خلني
قرب موتي وتدري سکنه أوعدت بالماي لنّي
خويه ودعني وسلامي بلّغ للحوری عني
واعتذر عند الودیعه...وخبّر اچفوفي قطيعه
قله والمهجة وجيعه...هيّجت بالقول حزني
من يباري الخيم...من كفيل الحرم
من لي بعدك ذخر...من يشيل العلم
