عباس من طاح العلم
عباس من طاح العلم...حسّيت بعيوني السهم
وظهري انكسر یا سردال...عباس من طاح العلم
يمه قعد وادموعه صب المطر لعضيده
وحط راس اخوه ابحجره ويمسح ادمومه بيده
يبچي ويجذب حسره قلي البچا شيفيده
والراس بعمود انجسم...والعين سالت بالسهم
نادى ودمع عينه سال...عباس من طاح العلم
عباس حين اللي عرف راسه ابوسط حجر حسین
شاله اورده اعلى الثرا وعفّر يويلي الخدين
شاله الحسين ورجّعه وقله يبن حامي الدين
فعلك القلبي فطّره...راسك اشيله امن الثرا
واترجّعه ابحر لرمال...عباس من طاح العلم
اتحسّر أبو فرجه ابألم قلبه ابحزن يتجوّی
ما هي يسبط المصطفى عند لحرار امروّه
او لا هي مساوات وإبا او لا من احقوق الخوّه
راسي ابحجرك توضعه...وراسك بعد من يرفعه
قولك فجيعه ابهالحال...عباس من طاح العلم
تدري يقله ابطيحتك ظهري انكسر یا عباس
وقلّت يخويه حيلتي وشمتت عليّه هالناس
خلني أشيلك للخيم قال إله اتركني لا باس
واعدت سکنه بالماي...واستحي لوجت احذاي
تسأل وسألت لطفال...عباس من طاح العلم
ودّعني يابن المصطفى منّي قرب حتف البين
واتمطّى يلوي اعلى الأخو ایده وعاینها حسین
يا ويح قلبي امقطعه من الزنود الچفين
قله وتحدّر مدمعه...وهذي لچفوف امقطّعه
بيتي انهدم طودي مال...عباس من طاح العلم
ايقله يبو سكنه اعتذر عند الودیعه زینب
قل الها عذري للأخو احواله كلها تشعب
ومالت رقبته والسبط وسده وظل بس ينحب
عباس يا ضنوة علي...محّد بقی بعدك إلي
سور الحرم یا سردال...عباس من طاح العلم
رد الشهيد الخيمته ایكفكف ادموعه ابکمه
لمن وصل ذیچ الحرم حوله لفت ملتمه
وسكنه عن العم تنشده وقفت وتنحب يمه
عمي شرب ماي ونسا...هاي لطفال والنسا
قلها انذبح ظلچ زال...عباس من طاح العلم
