جيناچ يا زينب على العين
یا مهجة الزهرا البتوله وعلي الكرار...من کربلا جیناچ لرض الشام زوار
جیناچ یا زینب على العين أو على الراس...عدنا الذي ایسرچ اولينا ايصير نوماس
ایسلم عليچ حسين ويسلم العباس...ولكبر شبيه المصطفی احمد المختار
دايم اخوچ حسين يهدي لچ سلامه...زواره زوارچ من الباري كرامه
کلمن لفی لچ شایل ابايده علامه...تربه من ارض الغاضريه تسطع انوار
الله يا زينب قطعتي كل هالبرور...بين العدى ويا اليتامی ابصهوة الكور
وانتي الذي ضرب المثل خدرچ بالخدور...من کوفه ابن ازیاد جيتي شام لشرار
طول الدرب ياما يتيمه اتقوم واطيح...شفتي وعليل ابقيد لهله اینوح ويصيح
وروس اخوتچ برماحها مثل المصابيح...وحسین راسه البدر منه تشرق انوار
عوضچ ربچ يعتني الزاير من ابعيد...يتشرف ابهذا الحرم واحزانه اتزيد
يتذكر اوقوفچ أسيره ابمجلس ایزید...ما بين عدوان ابيتامی اصغار وكبار
ابظلکم الضافي يلتجي الشيعي يساده...نسوانكم وارجالكم اهل القياده
يدخل الجنة لورثاکم في اعتقاده...وتنمحي اذنوبه لو قصدکم ملتجي جار
والناصري يحلف ابنصرتكم اسعوده...وارث محبتكم يساده من اجدوده
کلما يزور اقبوركم يطلب العوده...لوزار عنه يرتجي تنغفر لوزار
