اتحسر حسين الشهيد ومدمعه ابخده جرى...وصاح یا زینب ابهالنسوه اطلعي يمخدره

قومي طلعي ابهالیتامی وهالحرم من هالأطناب...واتركوا يختي البواجي وقومن انزف هالشباب
طلعت وجذبت الحسره والقلب بالوجد ذاب...وطلعت اویاها الحراير والدموع امنثره

نادته والقلب ذايب والدمع منها انسجم...ما جرت عاده يخويه معرس اتزفه حرم
وین فرسان الحريبه ووين شيال العلم...خلهم ایزفون جاسم والشعور امنشره

وين أبو فاضل يخويه الضيغم ووين اخوته...وين فتية هاشم أوفي وين قومه وعزوته
وين أهلنا امن المدينه ما يجون الزفته...معرس اتزفه نسا یحسین مثله ما جرى

قال یا زینب سؤالج شعب قلبي وقطعه...الخبر عن عباس عندج طاح يم المشرعه
بالعمد مفضوخ راسه وكل اخوته امصرعه...والخيم كلها خلیه وعزوتي فوق الثرا

قالت ادري كل اخوتي اعلى التراب امجدله...وأنا قصدي ما تزف جاسم ابوادي كربله
تدري جاسم من حموله شانهم عز وعلا...اشلون يا بن أمي تزفه حرم یا خیر الوری