عرس ومصيبه
بيده لزم شبل الحسن سبط الرسول اومهجته...اینادي يزينب بالعجل ولمي اجهاز الزفته
جاسم علامه امن الحسن شبه القمر في مطلعه...قومي نزفه او للقبر تالي يحوری انشيعه
بيذوب قلبي ابزفته او ينفت ساعة مصرعه...دون الخلايق هالولد صارت غريبه حالته
طلعت اوچفها اعلى القلب والدمع صب مثل المطر...اتقله يروح المصطفى قولك يفت حتى الصخر
وفعلك يخويه ابينذكر ما ينسي طول الدهر...عرس ومصيبه هالخلق يحسين قط ما شافته
في وين عزوة هالولد تحضر ازفافه او تنظره...ما عندي تدري الأحرم منها القلوب امفطره
نسوان ما اتزفه ابعزا اشبيدي اعلى سبع القنطره...فوق الشريعه منجدل هذي الغضنفر حزته
حفت حواليه الحرم ما بينهم رمله تحن...يحسين بتزف الولد غایب ازفافه الحسن
زفة اوليدي ابتستوي فجعه على طول الزمن...نسوان تمشي ابزفته اوصرع عمامه واخوته
