اوليدي المهتنی ابزهرة شبابه...وحيرني زماني
نحل جسمي اوفت قلبي مصابه...وحيرني زماني

جنت ابخيمتي وارقب مجيه...حبيبي اللي يسر قلبي حجيه
والتزهر حياتي ابنور ضیه...ابعيني شابحه في وجه ابيه
ساعه ونخطف لون الشفيه...صحت يبن البتوله رد عليه
روحي ومهجتي قلي اشصابه...وحيرني زماني

قلي ابن النبي ودمعه يسيله...سالم مهجتي وروحج يلیلی
لجن خايف من البارز جبيله...ردي الخيمتج لبني اندعي له
دعا الأم للولد نعم الوسیله...من جدي اسمعت والصدق قيله
ردیت اودمع عيني سحابه...وحيرني زماني

ردیت اندعي ابدمعه جريه...كفي انشرت جبدي ملتضيه
ابحق غربة غريب الغاضريه...ابعطش سبط النبي وروح الزجيه
يا من رجعت يوسف لابيه...ترد ابني علي سالم اليه
وطحت وانقطع صوتي بنتحابه...وحيرني زماني

ورب العرش مد ابني ابنصره...وعفر بکر ابن غانم ابغبره
ورد ایرید من مهجة الزهرا...آه الجایزه امن الماي قطره
وضمه للصدر واسجب العبره...ايقله امنين اجيبه وظل يصبره
قلبي مثل قلبك في التهابه...وحيرني زماني

قله ادخل على امك شوف يبني...تبجي وحالها والله شعبني
دخل يمي وجلس وانحنى وحبني...ابراسي ويحن يايمه ندبني
تراني جيت ودعيني فجعني...حال ابن الرسول اشلون فتني
قلت انصر عزیزي ابن النجابه...وحيرني زماني

ودعني وطلع والقلب صادي...وضمه ابن البتوله وظل ينادي
بنات المرتضى واحمد الهادي...ودعوا بالعجل شمعة اولادي
هذي اتودعه والدمع بادي...وهذي اتصيح متقطع افادي
ورد للقوم من ودع احبابه...وحيرني زماني

حمل شبل الوصي والكون رجه...قلب قلب المعاره ابنار وجه
ابسيفه اللي يجي يمه يبعجه...الفارس يشعله من فوق سرجه
ابوسط المعرکه صارت الضجه...وانا المهجتي صرت أترجه
وابن منقذ يوسفه ابسيف صابه...وحيرني زماني

شبق رقبة جواده وسالت ادماه...على اعيونه او وسط القوم وداه
حاطوا بيه عن شماله او يمناه...يقطعونه ولبوه حسين ناداه
سمع صوت الولد وبعجل لباه...شافه امبضعينه اووقف بحذاه
يحن أو فوق صدره الخيم جابه...وحيرني زماني

علي يا اللي أحبنه ويحبني...حاجيني نسيت ارباك يبني
مفجوعه او بالغربه تذبني...بالدلال بیت الحزن لبني
جور الدهر بالغالي نشبني...وفت احشاي بمصابه شعبني
ابهذا القلب ما سولف احسابه...وحيرني زماني