يا علي جاوبني مره(*)
(*) على لحن - وحده وحده وحده وحده .
يا علي يا علي جاوبني مره...ولدي ولدي في قلبي حسره
جاوبني مره...في قلبي حسره
-------
ليش متجاوبني يبني يا علي...بطل الونه يروحي اوصد الي
أملت من بعد ابوك انت الولي ...ظني خاب قلبي ذاب وين عزي الأولي
يا شباب يا شباب متهنى ابعمره...يا شهید يا شهید نایم ابغبره
جاوبني مره...في قلبي حسره
ایصیر يبني اليوم ما تذكر ارباي...موش انا الربيتك ابذايب حشاي
هاي انا احچي اوياك متلبي انداي ...آه يبني جاوبني انت للناظر الماي
صد الي صد الي وجاوبني مره...ونتك ونتك قلبي تفطره
جاوبني مره...في قلبي حسره
ایهون يبني اعليك مترد لي جواب...ایهون يبني اعليك تولي امك اجناب
والله لاخذ هالدما الشيبي اخضاب...باشمك باضمك اوعنك امسح هالتراب
نحبتي نحبتي لجذب ابحسره...واندبك واندبك واسچب العبره
جاوبني مره...في قلبي حسره
بس تون ذوبت قلبي ونتك...اوشوف جرح الراس بفادي فتك
آه ما تسمع تنادي عمتك...يا شباب فوق اتراب شنهي يبني نومتك
مهجتي مهجتي تلتهب جمره...سلوتي سلوتي قلبي اشيجبره
جاوبني مره...في قلبي حسره
فتح اعيونه او بطل ونته...واشر ایودع إلى امه وعمته
لكن ابطرفه اومالت رقبته...صاحت آه واويلاه اوليدي قربت موتته
ابمحنتي ابمحنتي قلبي اشیصبره...دمعتي دمعتي اولو تصب حمره
جاوبني مره...في قلبي حسره
