(على الدنيا العفى بعدك يلکبر)...قلبي امن الحزن ذاب وتفطر

چبدي من ونينك ملتظيّه...يصبي ناظري وللشوف ضيّه
يعقلي ما تصد بالعين ليّه...مرمي بالثرا وخدك امعفّر

ظل ينحب حبيب المصطفی حسین...ولكبر من نحيبه فتّح العين
ودمه فاض من جرحه الصوبين...هل دمعه وجذب ونه وتحسّر

يقله قبل روحي اتروح ودني...للخيمه إلى امي اللي تودني
جرح الراس كلفني وبهظني...نزيف ادماي ويّا العطش والحر

يقله للخيم لازم أوديك...لجل أمك تاچيها وتاچيك
وزينب عمتك يبني تجي ليك...وسكنه والحرم يبني يلكبر

لفّه اببردته وجمّع اوصاله...وضمه للصدر ينحب وشاله
قلي حسين يا شيعي اشحاله...محني الظهر لولو الدمع ينثر

جابوا للخيم رب المعالي...مده وصاح يا ليلى تعالي
شوفي اشحالته اوليدچ الغالي...(وإجت زینب تصيح الله وكبر)

تنده والدمع فجّر من العين...يشبه المصطفی یمدلل حسین
قلبي مثل راسك صار شطرين...وسكنه تنتحب واتقوم واتخر