من طلع عباس من حومة الميدان...اشماله ابيمين حسين واتعنوا الصيوان

زینب على باب المخيم تهمل العين...شافت من العرکه طلع عباس وحسين
شهقت وصاحت مرحبا وياحي هالاثنين...شیخ العشيره وبو الفضل ياقمر عدنان

واستقبلت عباس منها الدمع منثور...اتقله يخويه انت الهذا اليوم مذخور
تنصر حسین ابکربلا بیام عاشور...واليوم يومك يا ذخر فارس الفرسان

احييت ذكر المرتضی یا صعب المراس...بفعال ابونا وصولته ذكرت لرجاس
تسلم يا يخويه وتسلم اچفوفك يعباس...يا ریت میخون الدهر والدهر خوان

سریت یا عباس قلب امنا الحزينه...ابنصرة ابنها حسین یا حامي الضعينه
انت اشماله في الحرب وانت يمينه...وانت لنا سور وحمى وتكمد العدوان

صارت تحب راسه ومسروره ابهالفعال...واتقول سريت القلب خویه یسردال
لكن يشيعه اسرورها یا حیف ما طال...ساعة ولن هذا السرور انقلب احزان

لمن نده عباس وسط المعركة وصاح...ادركني يخويه حسین یا خامس الاشباح
لباه سبط المصطفى وللمعرکه راح...عاین عضده امعفر ابحرة التربان

مشقوق جوده امقطعه اشماله ويمينه...يمه اللوى وبعمود راسه فاضخينه
مخه على اچتافه وسهم ناشب ابعينه...نادى انكسر ظهري وعلي شمتت العدوان