العباس بعد مكالمته مع شمر
واتلقته زینب ابحسرتها شجيه...اتنادي هلا ابعباس سور الهاشميه
إنت يبو فاضل چفيلي وانت ذخري...وإنت اسنادي وطود عزي وتاج فخري
أوصاك ابويه المرتضی تحمي الخدري...وتدفع يخويه الضيم لا يوقع عليه
ليكون انا انضام یا کبش الكتيبه...لحد واخويه الليث طاعون الحريبه
حاشاك تتركني يبو الشيمه غریبه...وأنا الوديعه اووالدك وصاك بيه
لا قاله الله اتعوفنا وإنت لي اچفيل...وشلون تترك هالغريب اوعنه اتشيل
وتنظر ابعينك حايطينه القوم والخيل...وانت الذي مذخور لرض الغاضريه
بس سمعها اتزفر وقلها البطل عباس...بشري يزينب بالمعزه وارفعي الراس
آنا تعرفيني يزينب وافي الباس...ضنوة علي الكرار ماهاب المنيه
آنا کفیلچ خويه لا يصفر لونچ...تخسى العدى أشحدهم يزينب يوصلونچ
يمخدره والله لبيع الروح دونچ...ولو تقطع اچفوفي واظل اعلى الوطيه
صاحت ودمع العين بالخدين مذروف...نعمين أعرفك بالحرب عباس موصوف
تسلم يبو فاضل اوتسلم لك هالچفوف...يا ليت ميجور الدهر ويخون بیه
الله يسلم بو علي عزنا اوولینا...و يسلم الشبان والأنصار لينا
ونرجع يخويه بالسلامه للمدينه...وانا ابمعزه اتقود الي ازمام المطيه
