عباس يعيوني...أعداك فجعوني
هاین علیکم يخوتي اتخلوني...عباس يعيوني

مدري أبچي اليا مصيبه ويا عضو منك سلم
عينك الچانت اعيوني صار بعيوني السهم
ومثل عينك عين ابونا المرتضی تنبع ابدم
واعداك صابوني...شرواك بعيوني
ما أدل دربي ابغربتي خلوني...عباس يعيوني

وقبل راسك بالعمد ظهري يبو فرجه انكسر
وفوق طبرة سيف ابن ملجم ابونا منطبر
وبالعمد مطرور راس الدين والحق يا قمر
واعداك حاطوني...للثار يردوني
وبعدك يخویه ابکربلا ايذبحوني...عباس يعيوني

شلت ایمین القطع يمناك يا سور الحرم
قطع الچفي وچفوف الحسن وچفوف الكرم
صرت وحدي ابقطعة ازنودك يشيال العلم
عباس تنسوني...مفرود عفتوني
من غير ناصر کلکم اتضيعوني...عباس يعيوني

آه يبحر الجود جودك وين وين الماي
سکنه امن العطش تبچي او نحبتها تفت احشاي
رادت إتجي للشريعة يا قمر هاشم اوياي
عباس نشدوني...لطفال واشجوني
عنك يخويه والحرم من جوني...عباس يعيوني

خویه یا کبش الكتيبه وین سیفك واللوى
ما بقى لي اسلاح بعدك بيرق العز انطوى
وطود صبري امن اوقعت يا نور عيني دوی
عباس نادوني...اعداك يردوني
للحرب وانا ابلا عوين ادعوني...عباس يعيوني

فتح عينه وصاح يا مظلوم ذابت مهجتي
وحچيك ابقلبي أشد من سهم عيني وطبرتي
خويه لا تسأل تذوبني وعاين حالتي
نشاب بعيوني...وبعمود صابوني
قله يخویه وبيك انا فجعوني...عباس يعيوني

ودع المظلوم أخيه حين سكنت ونته
وفوق صدر حسین يمحبين مالت رقبته
غمض اعيونه وفاضت ويح قلبي ارويحته
ناداه يعيوني...أعداك فجعوني
عايف حياتي ابمحنتي خلوني...عباس يعيوني