يدين المصطفى هيجت الأحزان
يحسين يا ضنوة علي وروح الزجيه...جيت اشكي حالي والذي جاري عليه
یا مقصد الوفاد یا نسل الأماجید...يابن البتوله دوّل ابدوله على ایزید
آنا عليل انجان عندك لي دوا ایفید...ما شوف غيرك لي طبيب ابهالبريه
جدك يبو السجاد بالدعوه بناني...وأبوك حيدر شید ابسيفه أركاني
والحسن ما قصر بذل جهده وحماني...واليوم أنا بحماك يا باقي البقيه
قله يدين المصطفی هیجت الاحزان...لجلك لعیف اجوار جدي وطيب الأوطان
وابذل ارجالي النصرتك يا خير لدیان...عندي الدوا وادواك ما يصعب عليه
قله کفو لكن يبو السجاد يحسين...شنهو الدوا يبن النبي ونور المسلمين
قله انصاري تنذبح والهاشميين...قال الألم جاید یبو نفس الأبيه
قله واخوتي اشبال حیدر فخر عدنان...ونجل الحسن جاسم وخوته ذيج الاغصان
وابني علي شبه النبي شمعة الشبان...حتى رضيعي يفطمه سهم المنيه
قال المرض باید ترى والملتجي ليك...يا غوث كل ملهوف وأنا محتمي بيك
قله أجل وبمهجتي وروحي أداويك...من عقب ما تفنى هلي كلهم سویه
وابقى بلا ناصر وحيد أولا لي امعين...واوقف وانادي وعزوتي كلهم مطاعين
انجان ما يتشيد إلا ابذبحي الدين...بالله اخذیني یا سیوف وسمهریه
واتحوطني اجموع العدى وتمنعني الماي...وابجبهتي ايصكني حجر ويفجر ادماي
ويمزع السهم المثلث لبة احشاي...ولجلك اتعفر في اطفوف الغاضريه
ولجلك ابنعله الشمر يصعد فوق صدري...ويهبر اوداجي ابسيفه ويحز نحري
دمي دوا اجروحك على التربان يجري...وراسي يشيلونه ابراس السمهریه
والخاطرك والشيعتي انذبح ظامي...امن النار انجي شيعتي ابحرقة اخيامي
فدوه الحرمهم تنسبي وتضرب ايتامي...وابني ابقيد وجامعه ابكور المطيه
قله افجعتني ابهالحجي يا نور الأكوان...خوفي ابذبحك تنهدم مني الاركان
قله ابذبحي يرتفع لك بالملا شان...تتشید ابرض جثتي بالأعوجيه
ويا ما إلك بالغاضريه علم منشور...والشيعتي ملجا تجي كل يوم وتزور
طول الدهر كل عام تذکر یوم عاشور...وتعد مصایب کربلا وتبجي عليه
